Bulimiija
Bulimiija lea borranváddu mii mearkkaša ahte olmmoš vuohppu ja ahte maŋŋil viggá buhttet dan ovdamearkka dihte badjelmearálaš hárjehallamiin, baikindálkasiiguin dahje viggat vuovssadit. Namalassii borrat badjel meare, muhto seammás viggat geahpidit iešguđetlágan vugiiguin. Go ii vikka jávkadit dan maid lea borran ja dušše vuohppu, de ii leat bulimiija, muhto baicce vuohppunváddu. Bulimiija ja anoreksiija leaba sullalaga go dasa gullá duhtameahttunvuohta iežas gorudiin. Goappašagat háliidit geahpidit muhto anoreksiija ii vuohpo.
Bulimiija álgá dábálaččat nuorran. Lávejit eanas nieiddat mat buohccájit. Olmmoš geas lea bulimiija borrá gaskkohagaid hui ollu (vuohppu) ja gaskkohagaid viggá ruoidnadit iežas.
Dávdamearkkat
[rievdat | rievdat wikiteavsttain]Dávdamearkkat eai láve boahtit oidnosii. Olbmos láve dábálaš deaddu dahje veahá buoidi. Son dovdá iežas sivalažžan ja heahpana borrandábiidis dihte ja viggá čiegadit iežas váttisvuođaid. Son ii sáhte jurddašit eará go biepmu birra ja orru eará dáfus bieđggomielat. Oađđinváttisvuhta lea dábálaš. Bánit sáhttet gollat bulimiija geažil go vuoksá čoavjesivrra. Maiddái čotta sáhttá hávváduvvat.