نجران
| نجران | |
|---|---|
 نجران جو قلعو | |
  نجران | |
| جاگرافي بيهڪ: 17°29′30″N 44°7′56″E / 17.49167°N 44.13222°E | |
| ملڪ |  سعودي عرب |
| خطو | نجران صوبو |
| قيام | 2000 ق م |
| حڪومت | |
| • ميئر | فارس الشفق |
| • صوبائي گورنر | جيلاوي بن عبدالعزيز بن مسعيد بن جيلاوي السعود |
| بلندي | 1,293 ميل (4,242 ft) |
| آبادي (2010) | |
| • ڪل | 505,652 |
نجران(انگريزي: Najran ) سعودي عرب جي ڏکڻ-اولھ ۾ يمن جي سرحد لڳ ھڪ شھر آھي جيڪو نجران صوبي جو گادي جو هنڌ آهي. 1974 ۾ ھن شھر جي آبادي 47500 ھئي جيڪا 2017 ۾ وڌي 5000000 لک تائين پھتي. ھتان جي آبادي جي اڪثريت شيعه اسلام ۽ اسماعيلي فرقي سان تعلق رکندڙ آهي. نجران لفظ جي ھڪ معني دروازي جو ڪاٺي جو چؤڪاٽو آهي ۽ ٻي معني اڃارو آھي. ھڪ روايت مطابق ھن شھر ۾ پھريون ماڻھو جيڪو رھڻ آيو ان جو نالو نجران ھيو.
تاريخ
[سنواريو]نائين ھجري ۾ حجاز ۽ يمن وچ ۾ واقع نجران ۾ عيسائين جي حڪومت ھئي جنھن جو ھڪ وفد بني ﷺ جن سان پڻ ملڻ آيو ھو.ان علائقي ۾ 73 وسنديون شامل ھيون ۽ چيو ويندو هو تہ انھن مان 120000 جنگ جي قابل مرد نڪري سگھيا پئي[1]. ان وقت اتان جي سموري آبادي عيسائي ھئي جيڪا ٽن سردارن جي زير اثر ھئي جيڪي عاقب، سيد ۽ اسقف سڏبا ھيا. جن مان عاقب قوم جو امير سڏبو هو، سيد انھن جي سياسي ۽ تمدني معاملن جو نگران ھيو، ۽ اسقف (بشپ) سندن مذھبي پيشوا ھيو[1].