Hot Space
Hot Space | ||
---|---|---|
Artista: | Queen | |
Tipu album: | Studio | |
Data dâ nisciuta: | 21 di maiu 1982 | |
Durata: | 43 min : 40 s (album originali) 66 min : 39 s (deluxe edition 2011) | |
Númmuru di Dischi: | 1 | |
Númmuru di tracci: | 11 (album originali) 16 (deluxe edition 2011) | |
Gèniri: | Funk Dance rock Pop rock Arena rock | |
Casa discugràfica: | EMI, Parlophone (Europa) Hollywood Records, Elektra Records (USA) | |
Prudutturi: | Queen, Reinhold Mack | |
Riggistrazzioni: | sittèmmiru 1981 - marzu 1982 ne Mountain Studios (Svìzzira), e ne Musicland Studios (Mònacu) | |
Noti: | #1 (Austria) #1 (Ulanna) | |
Album pricidenti: | Greatest Hits I | |
Album succissivu: | The Works |
Hot Space è lu dècimu album 'n studiu dû gruppu musicali ngrisi li Queen, pubbricatu 'n furmatu LP lu 21 di maiu 1982 di l'etichetta EMI 'n Europa e dâ Elektra Records nnî Stati Uniti.
Lu discu
[cancia | cancia la surgenti]L'album signò nu forti distaccu di li travagghi pricidenti ru gruppu, carattirizzati di na certa ecletticità na l'adesioni a li diversi currenti dû filuni rock (passanu dâ sunorità hard rock e heavy metal, comu Stone Cold Crazy, oppuru operistiche comu 'n Bohemian Rhapsody, spustànnusi a caràttiri stilìstici cchiù vicini a li Beatles o spustannu ô rock and roll di Elvis Presley, comu 'n Crazy Little Thing Called Love, ecc.).
Doppu lu granni successu du sìngulu Another One Bites the Dust, ca fici parti di l'album pricidenti (The Game), carattirizzatu di na chiara influenza r'ispirazioni funky e da l'usu ru sintetizzaturi (ca finu a ddù mumentu eranu stati evitati da li cumpunenti ru gruppu 'n quantu, dicevanu, fussiru strumenti ca ancùora nun avianu travuna “n'anima”), u gruppu produssi nu album runni, 'n molti brani, si senti a stissa influenza ri Another One Bites the Dust, mentri è prisenti puru quarchi sunorità ca avia caratterizzatu l'album pricirenti. Stu esperimentu nun fici piaciri a molti fans ru gruppu (u stissu album “The Game” avia criatu quarchi perplessità a causa ri sintetizzaturi puru si l'album 'n generali fu apprizzatu, sia ra critica, sia da lu pubblicu), facennu sì ca Hot Space avissi nu minuri successu rispettu a li album pricirenti.
Na l'album nun mancanu canzuni ri granni succesu, primu fra tutti Under Pressure, ca nasciu duranti na jam session cu David Bowie, seguitu ra Las Palabras de Amor, ca fu scelta da lu gruppu pi una di rari prisenzi a Top of the Pops, impurtanti puru a canzuni “Life Is Real”, dedicata a John Lennon, scumparsu rui anni prima, l'8 di dicèmmiru 1980.
Ùoggi a maggior parti ra critica susteni ca 'n realtà l'album nun fu capitu picchì 'n anticipu cu la sonorità prisenti na l'album no mercatu musicali ri ddù tempu, e che alcuni canzuni comu Body Language e Back Chat, ùoggi fussiru singuli ri successi ne classifiche e brani ri nicchia pi intenditori. «Nu bonu pezzu ri discu scurrevoli, brillanti e beni sostenutu ra l'elettronica. Roba forti», rissi Sounds.
Nto 2011 l'album è statu rimasterizzatu 'n digitali ra Island Records / Universal Records e pubbricatu 'n dui furmati:
- standard edition, cuntinenti l'album originali
- deluxe edition 2 CD, cuntinenti l'album originali e nu EP bonus
Tracci
[cancia | cancia la surgenti]- Staying Power - 4:13 - (Mercury)
- Dancer - 3:50 - (May)
- Back Chat - 4:36 - (Deacon)
- Body Language - 4:31 - (Mercury)
- Action This Day - 3:38 - (Taylor)
- Put Out The Fire - 3:20 - (May)
- Life Is Real (Song for Lennon) - 3:31 - (Mercury)
- Calling All Girls - 3:52 - (Taylor)
- Las Palabras de Amor (The Words of Love) - 4:32 - (May)
- Cool Cat - 3:29 - (Deacon, Mercury)
- Under Pressure (cu David Bowie) - 4:08 - (Queen, David Bowie)
Durata tutali: 43:40
Bonus EP (ri-edizioni ru 2011 da Island Records / Universal Records)
- Staying Power (Live At Milton Keyness Bowl, June 1982) - 3:58 (Mercury)
- Soul Brother (B-Side) - 3:37 (Queen)
- Back Chat (Single Remix) - 4:14 (Deacon)
- Action This Day (Live In Tokyo, November 1982) - 6:25 (Taylor)
- Calling All Girls (Live In Tokyo, November 1982) - 4:45 (Taylor)
Durata tutali: 22:59
Singuli
[cancia | cancia la surgenti]- Under Pressure
- Body Language
- Las Palabras de Amor (The Words of Love)
- Calling All Girls
- Staying Power
- Back Chat
Videoclips
[cancia | cancia la surgenti]- Under Pressure
- Las Palabras de Amor (The Words of Love)
- Body Language
- Back Chat
- Calling All Girls
B-Sides
[cancia | cancia la surgenti]- Soul Brother (B-Side di Under Pressure, 1981)
Staying Power
[cancia | cancia la surgenti]![]() |
Pi sapìrinni cchiossai, vidi puru la vuci Staying Power. |
Staying Power è u primu branu ri l'album e fu scrittu da lu cantanti Freddie Mercury, sta canzuni è l'unica canzuni ru gruppu runni sunnu prisenti i flauti, sunati ra Arif Mardin. A canzuni è signata da nu stili funk ca inizia 'n re minuri modulatu 'n mi minuri pi tutta a canzuni. John Deacon nun sona u so bassu na sta canzuni, ma na chitarra ritmica, na Fender Telecaster. Roger Taylor sunò nu LM-1 pi sta canzuni, mentri Brian May sunò a so Red Special. Sta canzuni fu sunata 'n tuttu l'Hot Space Tour e 'n parti puru no The Works Tour.
Dancer
[cancia | cancia la surgenti]A basi ri Dancer fu sunati cu nu sintetizzaturi (nu Oberheim OB-Xa) ra Brian May. A canzuni -na fusioni ri rock e discu- assumigghia a n'avutra canzuni ru gruppu, “Dragon Attack”, prisenti na l'album The Game. U missaggiu telefonico a fini ra canzuni è in tedescu e fu registratu 'n na stanza d'albergo a Mònacu; u missaggiu si po' tradurri 'n: “buongiorno, chistù è u vostru campanellu r'allarmi”.
Back Chat
[cancia | cancia la surgenti]![]() |
Pi sapìrinni cchiossai, vidi puru la vuci Back Chat. |
Back Chat fu scritta da lu bassista John Deacon cu influenzi ra “black music” (musica nivura). Oltri a sunari u bassu, Deacon sona puru a chitarra ritmica, u chianuforti elettricu e u sintetizzaturi. Comu singulu, a canzuni arrivò o 40° postu na classifica ngrisi. U video ra canzuni è prisenti na compilation Greatest Video Hits 2, runni Roger Taylor rici ca odia u video ra canzuni.
Body Language
[cancia | cancia la surgenti]![]() |
Pi sapìrinni cchiossai, vidi puru la vuci Body Language (Queen). |
Body Language è nu branu scrittu ra Freddie Mercury, a canzuni è atipica pi lu gruppu, essennu l'unicu singulu pubbricatu ca nun avi a chitarra. U video ra canzuni, fu assai controverso a causa ri fimmini e masculi ca si stricavanu a vicenda, vinennu vietatu 'n alcuni paisi. A canzuni fu prisenti nto film documentario du 1984 “Stripper”, film di nu ballerinu ca fici parti ru videoclip.
Action This Day
[cancia | cancia la surgenti]Action This Day è una ri dui canzuni scritti ra Roger Taylor prisenti na l'album. A canzuni pigghia u titutli ra nu slogan ri Winston Churchill, facennu capiri quantu u batterista ru gruppu fussi interessatu a sti argomenti sociali. U gruppu cantò a canzuni na l'Hot Space Tour cu na disposizioni cchiù cunvenzionali.
Put Out the Fire
[cancia | cancia la surgenti]Put Out the Fire è na canzuni scritta ra Brian May, cu la vuci solista ri Mercury, May cantò 'n falsetto a fini ri ogni versu. Si penza ca l'assulu ri chitarra fu registratu sutta l'influenza ri l'alcol (dopu tanti tentativi). Na prima strofa ru testu si fa cennu a l'omicidio ri John Lennon e ru so assassinu Mark Chapman. A morti ru cantanti era ricenti e pisò assai a lu gruppu, ca era fans ri Beatles. Puru se mai pubbricatu comu singulu, Put Out the Fire, è a canzuni cchiù tradizionali ri l'album, ca fici parti puru ra compilation Queen Rocks ru 1997.
Life Is Real (Song for Lennon)
[cancia | cancia la surgenti]Freddie Mercury scrissi sta canzuni comu tributu a John Lennon, la quali assassiniu nto [1980]] avia purtatu u gruppu a cantari duranti u tour a canzuni Imagine. Comu i canzuni ri Lennon, sta canzuni prisenta nu arranciamentu ri basi o chianuforti cu nu tonu malinconico. É puru una ri picca canzuni ru gruppu runni i testi foru scritti prima ra musica (comu Killer Queen).
Calling All Girls
[cancia | cancia la surgenti]![]() |
Pi sapìrinni cchiossai, vidi puru la vuci Calling All Girls. |
A prima canzuni ri Roger Taylor (ma cu Mercury ca canta) a essiri pubbricata comu singulu (puru se sulu 'n quarchi paisi, Canadà, Stati Uniti dâ Mèrica e Australia, ma nun nto Regnu Unitu, a canzuni nun arrinisciu a criari nu granni impattu, arrivannu o 60° postu 'n USA e 33° 'n Canadà, nonostanto u video musicali fussi na parodia ru film ri George Lucas THX 1138. U gruppu nun cantò mai a canzuni 'n Europa.
Las Palabras de Amor (The Words of Love)
[cancia | cancia la surgenti]![]() |
Pi sapìrinni cchiossai, vidi puru la vuci Las Palabras de Amor. |
Las Palabras de Amor è na canzuni scritta ra Brian May, scritta ispirannusi a li fans latinu-mèricani. A canzuni, ca fu top 20 na classifica ngrisi, fu a quarta canzuni ru gruppua essiri prisenti a Top of the Pops (u primu fu Seven Seas of Rhye, u secunnu Killer Queen e u terzu Good Old-Fashioned Lover Boy).
Cool Cat
[cancia | cancia la surgenti]Cool Cat è na canzuni scritta ra Freddie Mercury e John Deacon, all'iniziu era prisenti puru David Bowie na canzuni (cantannu sulu cori). Secunnu Mercury, 'n na intervista ru 1982, Bowie nun era cuntentu di risultati e rissi a lu gruppu ri cancillari a so prisenza da canzuni. Tutti i strumenti sunnu sunati ra Deacon, puru i tamburi. Na virsioni album, Mercury canta tutta a canzuni 'n falsetto.
Under Pressure
[cancia | cancia la surgenti]![]() |
Pi sapìrinni cchiossai, vidi puru la vuci Under Pressure. |
Chista è a canzuni cchiù famusa ri l'album e una ri cchiù famusi ru gruppu, cantata nzemi a David Bowie. Under Pressur fu nu risultatu ri na improvvisa jam session 'n studio ru gruppu nzemi a lu cantanti a Montreux, 'n Svìzzira. Quannu fu pubbricatu, nto 1981, Under Pressure arrivò o 1° postu na classifica ngrisi. Mercury fu i principali cumpunenti ra canzuni, nzemi a Bowie.