Crimagghiera
Na crimagghiera (o dintera) è nu ngranaggiu liniari, chianu o a asta, ca nzemi a na rota dintata ca veni utilizzata n miccànica pi cunvirtiri lu motu rutatoriu n motu liniari cuntinuu o a la ruviscia. Lu miccànismu ngranaggiu-crimagghiera veni chiamatu puru rucchettu-dintera. Lu termini diriva di lu francisi crémaillère, nu termini chi avì li sò origgini nnû grecu anticu dû termini kremastér, ca significa, chiddu ca teni sullivatu.
Carattiristichi
[cancia | cancia la surgenti]La crimagghiera pò puru èssiri difinita comu nu accucchiamentu di roti dintati, nnî quali una di li dui roti (la crimagghiera) avì nu raggiu nfinitu. Luggicamenti la crimagghiera pò èssiri sulamenti na sizzioni di l'arcu dû cerchiu. La rota di raggiu difinitu pò fari traspurtannu a barra dintati attraversu la rutazzioni. Vali puru pû principiu ô cuntrariu, nnû quali lu muvimentu di trasportu dâ barra azziuna la rutazzioni dâ rota. Pi mantiniri nu currettu arcu di ngranamentu i renti dâ crimagghiera nun hannu nu prufilu evulventi, la furma di denti di na crimagghiera, nfatti, è chidda di nu trapezziu.
L'usu
[cancia | cancia la surgenti]L'usu cchìu notu dâ crimagghiera è nnû traspurtu, d'unni veni usata comu sistema di trasmissiuni n firruvii n granni pinnenza (firruvii a crimagghiera), e nnû campu di automubbìlistica pi i sistemi ri sterzu e puru nnû campu di parchi ri divertimentu nnî muntagni russi.
Firruvii a crimagghiera
[cancia | cancia la surgenti]I firruvii a crimagghiera sunnu funivii ca utilizzanu na crimagghiera ntigrata ntô centru dâ pista. Chistu primetti a iddi di travagghiari n pinnenzi ripidi, supiriori a lu 7% nfinu ô 50%, chiossai longa supiriori a chiddi di na firruvia cunvinzziunali. La maggiuri parti dî firruvii a crimagghiera sunnu i firruvii di muntagna, arcuni sunnu puru firruvii di transitu o tram, custruuti pi supirari na ripida pinnenza n n'ària urbana.
Sterzu
[cancia | cancia la surgenti]Molti màchini muderni utilizzanu cumanamenti na crimagghiera nnû sterzu, d'unni lu vulanti mòvi lu pignuni ca mòvi la crimagghiera. La crimagghiera furnisci nu menu efficaci vantaggiu miccànicu n confrontu a àutri miccànismi comu la viti di ricirculu a sferi.
