All Elite Wrestling
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
La All Elite Wrestling, canusciuta vidè cu l'acronimu AEW, è na fidirazziuni di wrestling miricana chi si trova nnâ città di Jacksonville (Florida), funnata lu 5 di nuvèmmiru 2018 dû mprinnituri Tony Khan e dû patri Shahid; li luttatura Matt Jackson, Nick Jackson e Kenny Omega sunu li vice-prisidenta asicutivi dâ fidirazziuni. Prima di turnari â WWE, vidè Cody Rhodes era vice-prisidenti.
Lu primu aventu pruduciutu di l'All Elite Wrestling, Double or Nothing, fu trasmisu in pay-per-view lu 25 maju 2019, mintra dopu, lu 2 di uttùviru, fu trasmisu, ncapû canali TNT, la prima puntata simanali di AEW Dynamite, lu spettaculu principali dâ fidirazziuni, nzemmula a AEW Collision, chi appi lu sò dibuttu televisivu nnû giugnu dû 2023.
Dâ sò funnazziuni ca fu nnû 2018, pi sò capacità ecunomichi e di trasmissiuni (li sò prugrammi sunu trasmisi nnê dui dê principali canali di televisiuni via cavu miricana), è cunzidirata la sicunna prumuzziuni di wrestling cchiù mpurtanti dê Stati Uniti (e picciò dû munnu), e vidè lu primu veru cuncurrenti dâ WWE dê tempa dâ World Championship Wrestling[1].
Dû 2022 è assai lijata câ storica prumuzziuni miricana Ring of Honor, picchì lu stissu Tony Khan s'accattàu[2].
Storia
[cancia | cancia la surgenti]Prima dâ funnazziuni
[cancia | cancia la surgenti]Nnû maju dû 2017 lu giurnalista Dave Meltzer cummentàu nnû sò Twitter di comu, sicunnu iḍḍu, la fidirazziuni di wrestling Ring of Honor nun era capaci di urganizzari nu spittaculu cu ô menu 10.000 spittatura; Cody Rhodes e li frati Matt Jackson e Nick Jackson (nzemmula sunu li Young Bucks) ricugghieru la sfida di Meltzer pruducennu nu spittaculu nnipinnenti chiamatu All In, chi si svilàu un veru successu e arrivàu a venniri 11.265 bigghietta.
Funnazziuni
[cancia | cancia la surgenti].jpg)
Funnata ufficialmenti lu 5 di nuvèmmiru 2018 dû mprinnituri Tony Khan e dû patri Shahid, l'annunziu dâ nascita di l'All Elite Wrestling si fici lu primu di jinnaru 2019 ncapû canali YouTube dê frati Matt Jackson e Nick Jackson, ca nnû stissu tempu affirmaru di èssiri li primi luttatura a aviri firmatu pâ fidirazziuni nzemmula a l'amicu Cody Rhodes. A simana dopu, ô Bank Field di Jacksonville, Florida, s'appi la prima cunfirenza stampa di l'AEW, unni furu annunzijati chi li wrestler Adam Page, Britt Baker, Chris Jericho, Christopher Daniels, Frankie Kazarian, PAC e Scorpio Sky furu misi sutta cuntrattu dâ fidirazziuni. Lu misi dopu fu cunfirmatu lu primu pay-per-view (aventu pi pagu) nnâ storia dâ fidirazziuni, Double or Nothing, chi si tenni lu 25 di maju ô MGM Grand Garden Arena di Paradise, Nevada, nni l'area metrupulitana di Las Vegas. Lu 15 di maju l'AEW e WarnerMedia (ora Warner Bros. Discovery) firmaru un cuntrattu pâ trasmissiuni simanali dê puntati dû spittaculu AEW Dynamite, lu quali primu apisodiu fu trasmisu lu 2 di uttùviru nnû canali TNT, â Capital One Arena di Washington DC.
Pandimía di COVID-19
[cancia | cancia la surgenti]Nnû marzu dû 2020, cû l'avanzari dâ pandimía di COVID-19, la All Elite Wrestling si attruvàu custrittu, comu autri fidirazziuni nord-miricani, a urganizzaro li sò spittacula senza la prisenza dû pubblicu, spustannusi fissi ô Daily's Place di Jacksonville (Florida). Cunzidirannu lu wrestling comu èlimentu purtanti dâ èconumia dû paisi, lu guvernaturi dâ Florida, Ron DeSantis, pirmisi lu fàrisi dê spittacula a porti chiuduti nzinu lu 20 d'àustu, quannu fu pirmisa la prisenza dû pubblicu nni na forma limitata (15% ô massimu) e rispittannu li norma di luntananza.
Prugrammazziuni
[cancia | cancia la surgenti]Spittacula simanali
[cancia | cancia la surgenti]
Partennu dû 2 uttùviru 2019, è trasmisu lu spittaculu simanali e ô vivu dâ All Elite Wrestling, AEW Dynamite, lu mèrcuri ncapû canali TNT. Dû 5 jinnaru 2022 AEW Dynamite si spustàu ncapû canali TBS.
Dû 13 àustu 2021 veni trasmisu, sempri ncapu TNT, nu spittaculu chiamatu AEW Rampage, lu vèrniri e giniralmenti nnâ sicunna sirata pâ televisiuni. È giniralmenti riggistratu, si puru ê voti veni trasmisu ô vivu.
Dû 17 giugnu 2023, è trasmisu AEW Collision, prugramma dû sabbatu sira ô vivu e dâ durata di dui uri. Asistevanu, nzinu ô 2023, dui spittacula sicunnari, AEW Dark e AEW Dark: Elevation, ca vinivanu trasmisi nni na forma gratuita lu lùnniri e lu màrtiri ncapû canali ufficiali YouTube dâ prumuzziuni.
Dû 2022, ogni quattru voti a l'annu, la AEW pruduci n'aventu unni tutti li titula sunu difinnuti dê sò vincitura, chi si chiama Battle of the Belts: stu spittaculu veni trasmisu ncapu TNT, giniralmenti lu sabbatu dopu Collision o lu vèrniri subbitu dopu Rampage.
Pay-per-view
[cancia | cancia la surgenti]Li aventa nni pay-per-view furu li primi spittacula trasmisi di l'All Elite Wrestling nnâ sò storia: la prugrammazziuni dâ fidirazziuni nfatti accuminciàu lu 25 maju 2019 cu Double or Nothing, urganizzatu ô MGM Grand Garden Arena a Las Vegas, assicutati di All Out lu 31 àustu â Now Arena (ô tempu chiamata Sears Centre) nni l'arèa metrupulitana di Chicago; dopu, furu urganizzati vidè Full Gear e Revolution. Nnâ Talia li aventa sunu trasmisi asclusivamenti ô vivu ncapu Sky Sport.
Picciò, li quattru urigginali pay-per-view dâ prumuzziuni sunu Revolution, chi si teni li primi jorna di marzu, Double or Nothing, mmeci â fini di maju nni l'area di Las Vegas, All Out nni l'area di Chicago nnê primi jorna di sittèmmiru (chi cuincidi cû jornu dû travagghiu o Labor Day nnê Stati Uniti) e Full Gear, chi si teni nnê primi simani di nuvèmmiru ô sabbatu.
Autri pay-per-view sunu Forbidden Door, aventu urganizzati nzemmula â prumuzziuni giappunisi New Japan Pro-Wrestling (chi appi la sò prima urganizzazziuni a Chicago, ô United Center nnû 2022 e l'annu dopu a Toronto, nnû Canadà, â Scotiabank Arena), e All In, aventu chi prossicuta lu primu storicu aventu nnipinnenti, chi appi la sò prima urganizzazziuni sutta l'AEW ô Wembley Stadium a Londra, nnâ Nglaterra; chistu fui lu primu aventu di l'AEW fattu nni nu stadiu di palluni, mintra lu primu fatti nni nu stadiu (nni stu casu, di tennis) fu l'apisodiu spiciali di AEW Dynamite, chiamatu Grand Slam, chi si fici a l'Arthur Ashe Stadium a Flushing Meadows, quarteri di Nova York, lu stadiu cintrali di l'open dê Stati Uniti. Nnû 2024 va a dibbuttari n'àutru eventu, chiamatu Dynasty, chi v'a aviri lu sò dibuttu nnû aprili dû 2024, a Saint Louis nnû Missuri, â Chaifetz Arena.
Nnû 2023 dibbuttaru àutri pay-per-view: lu prima a dibbuttari fu WrestleDream, aventu pi ricurdari la liggenda dû wrestling Antonio Inoki, chi si tenni la prima vota lu primu ottùviru â Climate Pledge Arena di Seattle, nnû Statu di Washington; l'àutru fu Worlds End, chi s'appi lu 30 dicèmmiru â Nassau Veterans Memorial Coliseum di Uniondale, nnû statu di Nova York: chistu fu l'aventu chi appi la finali dû turnèu chiamatu Continental Classic e lu primu pay-per-view nnû statu di Nova York.
Titula
[cancia | cancia la surgenti]| Titulu | Campiuni/a | Vittoria | Aventu | Città | Nuta |
|---|---|---|---|---|---|
| AEW World Championship (Titulu Munniali AEW) | Jon Moxley | 12 ottuviru 2024 | WrestleDream | Tacoma, Washington | [3] |
| AEW Women's World Championship (Titulu Munniali Fimmininu AEW) | Mariah May | 25 aùstu 2024 | All In | Londra, Nglaterra | [4] |
| AEW TNT Championship (TItulu TNT AEW - titulu masculinu tèlivisivu) | Jack Perry | 30 giugnu 2024 | Forbidden Door | Elmont, Nova York | [5] |
| AEW International Championship (Titulu Ntirnazziunali AEW) | Konosuke Takeshita | 12 ottuviru 2024 | WrestleDream | Tacoma, Washington | [6] |
| AEW Continental Championship (Titulu Cuntinintali AEW) | Kazuchika Okada | 20 marzu 2024 | Dynamite | Toronto, Untariu, Canadà | |
| AEW TBS Championship (Titulu TBS - titulu fimmininu tèlivisivu) | Mercedes Moné | 26 maju 2024 | Double or Nothing | Las Vegas, Nevada | [7] |
| AEW World Tag Team Championship (Titulu Munniali di Cucchia AEW) | The Young Bucks (Matthew e Nicholas Jackson) | 21 aprili 2024 | Dynasty | St.Louis, Missuri | [8][9] |
| AEW World Trios Championship (Titulu Munniali di Cucchia a tri pirsuni AEW) | Blackpool Combat Club (Wheeler Yuta, Claudio Castagnoli e PAC) | 25 aùstu 2024 | All In | St.Louis, Missuri | [10] |
Autri mèdia
[cancia | cancia la surgenti]La All Elite Wrestling funnàu nnû 2020 na mprisa didicata ô sviluppu di vidèojoca, chiamata AEW Games, pâ pruduzziuni di dui diversi titula pê smartphone: AEW Casino e AEW Elite GM; vidè s'avi n'jocu, AEW Fight Forever, nu vidèojocu pi console sviluppatu di Yuke's.
Nuti
[cancia | cancia la surgenti]- ↑ (EN) James Dator, WWE is seeing its first major competition in 20 years, and they’re worried, su sbnation.com, 9 gennaio 2019. URL consultato il 24 giugno 2023.
- ↑ (EN) AEW CEO Khan buys wrestling promotion ROH, su espn.com, 3 marzo 2022. URL consultato il 24 giugno 2023.
- ↑ (EN) World Championship Title History, su allelitewrestling.com. URL consultato il 6 marzo 2023.
- ↑ (EN) Women's World Championship Title History, su allelitewrestling.com. URL consultato il 6 marzo 2023.
- ↑ (EN) TNT Championship Title History, su allelitewrestling.com. URL consultato il 6 marzo 2023.
- ↑ (EN) AEW All-Atlantic Championship History, su allelitewrestling.com. URL consultato il 6 marzo 2023.
- ↑ (EN) AEW TBS Championship History, su allelitewrestling.com. URL consultato il 6 marzo 2023.
- ↑ (EN) World Tag Team Championship Title History, su allelitewrestling.com. URL consultato il 6 marzo 2023.
- ↑ Vincitura dû turnèu pi dicritari li campiuna di cucchia dopu chi lu titulu à statu vacatu dopu lu ritiru di Sting, chi lu vincìu cu Darby Allin a Revolution 2024.
- ↑ (EN) AEW World Trios Championship History, su allelitewrestling.com. URL consultato il 6 marzo 2023.