Abbrasioni
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Cû tèrmini abbrasioni ci si pò rifiriri ôn tipu d'usura (ditta usura d'abbrasioni) oppuru, n campu mèdicu, a na sgargiatina.
Stu tèrmini diriva dû latinu abradere, n particulari dû sò participiu passatu abrasus, ca signìfica arrascari.
Usura d'abbrasioni
[cancia | cancia la surgenti]L'abbrasioni è nu tipu d'usura ca s'otteni quannu n'uggettu sòlidu veni nvistutu di particeddi duri ca pruvèninu d'un corpu cu na durizza aguali o supiriuri a chidda di l'uggettu prisu n cunziddirazzioni. Stu tipu d'usura si prisenta midemma dû cuntattu ntra lu sòlidu e aggenti attimusfèrici quali lu ventu o lu passaggiu d'acqua.
Lu prubbrema di l'abbrasioni è assai chiù diffusu di quantu si penza, suprattuttu nta l'àmbitu dî màchini agrìculi ca s'òccupanu dâ muvimintazzioni dû tirrenu, ma puru n campu nnustriali. Cu sta palora si difinisci macari l'azzioni distruttiva dû mari ntê costi.
L'abbrasioni ntô campu mèdicu
[cancia | cancia la surgenti]Ntô campu mèdicu l'abbrasioni è na sgargiatina leggia dâ peddi o dî mucusi o na lisioni dâ parti chiù sterna dâ peddi, pruvucata d'un tràuma (doppu n'urtu), o a na sfricata cu n'uggettu puntutu ca curpisci la supirfici ntirissata. Ntê casi chiù ncisivi l'abbrasioni pò sbuccari a na cuntusioni dî tissuti. L'abbrasioni pò emèttiri na nisciuta di sustanza ca custituisci na crusta giarnigna o scurata ntô casu dâ spulsioni di sangu dî vasi sanguigni.
A scopu tirapèuticu l'abbrasioni pò èssiri prudutta vuluntariamenti p'eliminari cicatrici pruvucati di l'acne o tatuaggi. Nta stu casu si parra di dermuabbrasioni.
L'abbrasioni è ùtili pi pirmèttiri la pinitrazzioni nta l'organismu di vaccini o allèrgini. Tali prucidura è ditta scarificazzioni. St'aspettu pusitivu, tuttavìa, pò prisintari macari un rìsicu. Siddu nun è disinfittata, nfatti, l'abbrasioni pò custituiri na vìa di trasuta pi virus o batteri.
L'abbrasioni ntô campu giològgicu
[cancia | cancia la surgenti]Ntô campu giològgicu l'abbrasioni cunzisti nta l'azzioni di disgricazzioni e ruttura in tanti pezzi asircitata dû muvimentu dî ghiazzara e dî vèntura cû sò càrricu di particeddi n suspinzioni.