Lingua svidisa
Lu svidisi (o svenska) è na lingua girmànica, o cchiù pricisamenti, nòrdica, chi veni parrata supratuttu ntâ Svezzia, nta quarchi banna dâ Finlandia, e ntê ìsuli autònumi di Åland, d'un tutali di cchiù di 9 miliuna di parranti. Si capisci tra autri lingui nòrdichi, p'asempiu, danisi e norviggisi. Lu svidisi standard è la lingua nazziunali e ufficiali dâ Svezzia chi havi comu li soi uriggini, li dialetti dû sèculu XIX dâ Svezzia cintrali ed era bon stabbiluta ô principiu dû sèculu XX (o armenu tra li primi dicini). Binchì li virnàculi riggiunali ancura asistinu, nfluinzati dî dialetti cchiù vecchî, lu 99% dâ pupulazzioni d'adulti ponnu leggiri e scrìviri la lingua ufficiali.
![](http://upload.wikimedia.org/wikipedia/commons/thumb/e/ea/Idioma_sueco.png/220px-Idioma_sueco.png)
Quarchi dialettu è abbastanti diffirenti dâ lingua standard in termini dâ grammàtica e dû vucabbulariu, e nun si capìscinu sempri allatu lu svidisi standard. Sti dialetti sunnu cunfinati ê banni di campagna e sunnu parrati di genti di nu status suciali vasciu. Binchì nun stannu pi scumpariri, l'usu di sti dialetti scinnìu nta l'urtimu sèculu, e cuntinua a scìnniri, sparti ca vennu bon ricircati e ncurragiati di l'instituti lucali.