Samoa Americanas

Artìculu in LSC

Bandera

Posidura in s'otzèanu Patzìficu

Sas Samoa Americanas (in inglesu American Samoa; in samoanu: Amerika Sāmoa, [aˈmɛɾika ˈsaːmʊa]; fintzas Amelika Sāmoa o Sāmoa Amelika) sunt unu territòriu no incorparadu de sos Istados Unidos de Amèrica, situadu in su sud de s'otzèanu Patzìficu a sud-est de Samoa. Sa capitale est Pago Pago.

Sas ìsulas sunt parte de sa cadena de sas ìsulas Samoa, postas a ovest de sas ìsulas Cook, a norte de Tonga e a tesu unos 500 km dae Tokelau. A s'ovest de sas Samoas Americanas istant sas ìsulas de Wallis e Futuna Cunsistent in chimbe ìsulas e duos atollos coraddinos. S'ìsula prus manna e populada est Tutuila, chi incluet in territòriu suo fintzas sas Ìsulas Manuʻa, s'Atollu Rose e s'Ìsula Swains. S'istèrrida totale de su territòriu est de 199 km², sa populatzione de unos 55.000 bividores.

Sa majorida de sos bividores est bilingue e podet faeddare fuentemente siat s'inglesu, siat su samoanu (limba propia a sa faeddada in sa Samoa indipendente).

Sas Samoa Americanas sunt su territòriu de Istados Unidos prus meridionale e fintzas solu territòriu chi ddis apartenet populadu suta s'ecuadore.