Messàgiu

Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Illustradura gràfica de su svilupu de un mòlliu de comunicatzioni de Claude Elwood Shannon y Warren Weaver de su 1949. In su mòlliu ddoi at is elementus chi sighint: Una orìgini de informatzioni, unu codificadori po imbiai su messàgiu a traessu de un mediu o canali a unu decodificadori e un'arricidori. S'arricidori podit donai retroatividadi a s'orìgini. Sa comunicatzioni podit essi firmada o distorta de s'abolotu.

Su messàgiu, in su sentidu generali, est su pìngiu de sa comunicatzioni. Est definiu comenti s'informatzioni chi su trasmitidori imbiat a s'arricidori a traessu de unu canali de comunicatzioni o mèdiu de comunicatzioni (po esempru, su fueddu o sa scritura).

In Informàtica

Ddoi at duus sentidus printzipalis de su fueddu "messàgiu" in informàtica: messàgiu intra impitadoris umanus de sistemas informàticus chi funt cunsinnaus de cussus sistemas etotu, e messàgius passaus intra programas o cumponentis de unu sìngulu programa, po is punnas insoru.

• Sa messageria istantànea e sa posta eletrònica funt esemprus de programmas po elaboradori progetaus po cunsinnai messàgius in forma de testu scritu chi is umanus podint ligi, de una persona a s'àtera.
• Su passàgiu de messàgius est una forma de comunicatzioni impreada in su càrculu cuncurrenti e parallelu, in sa programatzioni orientada a is ogetus e in sa comunicatzioni intra protzessus, innui sa comunicatzioni acuntessit po mèdiu se s'imbiu de messàgius.

Problemas de seguridadi

Sendi chi is elaboradoris funt automatizaus e non bolint interatzioni umana po unas cantu tareas, ddoi funt pensamentus medas po sa seguridadi e sa privatesa in setoris de s'indùstria informàtica po cantu pertocat is messàgius. Est acuntèssiu bortas medas chi is aplicatzionis de messageria istantànea ant arriscau s'atacu de spyware. Custus pensamentus no funt limitaus a is telefoneddus, elaboradoris o aparatus pretzisus, ma pertocant fintzas is visoris montaus me is veturas, chi oindii funt sofisticaus che is telefoneddus inteligentis e podint tenni vulnerabilidadis a atacus informàticus o essi una distratzioni de sa condutzioni de sa màchina.