GOG.com
Articulu in nugoresu
![](http://upload.wikimedia.org/wikipedia/commons/thumb/0/03/GOG.com_old_logo.png/150px-GOG.com_old_logo.png)
GOG.com (chi fit a prìmu un'acrònimu de Good Old Games) est unu servìtziu de CD Projekt in ube si poden comporàre online sos videojocos. Mancari chi siat una siènda polacca, sa sèa sua est in Nicosia (Cipru).
In cùghe sun in bèndia videojòcos medas pro PC, a s'ispìssu chin tantu de patch prochì si podan jocare fìntzas chin sistemas prus modernos. A differèntzia de cantu b'at in atteros servitzios comente Direct2Drive e Steam, su software non lu protèzen chin DRM e s'usuàriu non che dèpet fàcher intràre in su computer suo client perùnu o atteru software pro iscarricàre e jocàre.
Dae su 27 de màrtzu de su 2012 in sùsu, GOG at accabbàu de bòler nàrrer Good Old Games, diventànde pètzi GOG e cumintzànde a bènder jocos prus pacu antìcos, comente The Witcher 2, Alan Wake, Assassin's Creed e mèdas àtteros.
In su mès' 'e Santu Gabìne de su 2012 GOG at cumintzàu a dare appòzu a jocos DRM-free fìntzas pro Mac, a cumintzare dae The Witcher e The Witcher 2 (ambòsdùos chi los at fàttos CD Projekt). In su mese de agùstu de su 2013 b'at unos 600 jocos de parìtzos publisher, comente Activision, Apogee, Atari, Codemasters, Electronic Arts, Interplay, Revolution Software, Sierra Entertainment, Square Enix, Team17, TopWare e Ubisoft.