Macau
Coordinadas: 22°11′24″N 113°32′17″E / 22.19°N 113.538056°E
Artìculu in LSC
Macau ( in tzinesu 澳門T, 澳门S, Àomén; in portughesu Macau), est una de sas regiones amministrativas ispetziales de sa Tzina paris comente Hong Kong.
![](http://upload.wikimedia.org/wikipedia/commons/thumb/1/17/Nam_Van_Lake_-_Macau.jpg/245px-Nam_Van_Lake_-_Macau.jpg)
![](http://upload.wikimedia.org/wikipedia/commons/thumb/6/63/Flag_of_Macau.svg/243px-Flag_of_Macau.svg.png)
![](http://upload.wikimedia.org/wikipedia/commons/thumb/c/cc/Macau_in_China_%28zoomed%29_%28extra_close%29_%28special_marker%29.svg/242px-Macau_in_China_%28zoomed%29_%28extra_close%29_%28special_marker%29.svg.png)
Macau s'agatat in su chirru otzidentale de su delta de su riu de sas Perlas e allàcanat cun Hong Kong in s'estu, cun sa provìntzia de Guangdong in su norte e in s'ovest, mentras in su sud si ghetat a su mare Tzinesu Meridionale. S'economia de su territòriu est fortemente dipendente dae su giogu de azardu e dae su turismu, ma cumprendet fintzas fainas produtivas.
Ex colònia portughesa, Macau est abarradu atacadu a su Portugallu dae sa metade de su de 16 sèculos fintzas a su 1999, ùrtima colònia europea in Àsia. Cummertziantes portughesos si fiant istabilidos in Macau giai in su 1550 e in su 1557 Macau fiat fatu parte de su Portugallu comente a portu cummertziale a cara de s'Impèriu tzinesu. Noantimes s'amministratzione portughesa de sa tzitade est abarrada in suta de s'autoridade e sa soberania tzinesa fintzas a su 1887, cando Macau fiat fata colònia de s'Impèriu portughesu.
Sa soberania subra Macau est torrada a sa Tzina su 20 de nadale 1999. Sa declaratzione annta tzinu-portughesa e sa lege fundamentale de Macau istabilint su mantenimentu de unu gradu artu de autonomia pro sa regione a su nessi fintzas a su 2049, chimbanta annos a pustis de su passàgiu, comente istabilidu pro Hong Kong.
In s'àmbitu de sa polìtica de "un'istadu, duos sistemas" su guvernu populare tzentrale de sa Tzina est responsàbile pro sa defensa de su territòriu e de sos afàrios èsteros, mentras Macau mantenet sistema giurìdicu pròpiu, fortza pròpia de politzia, su sistema monedàriu, sa polìtica doganale e sa polìtica de immigratzione.
Segundu su World Factbook Macau tenet su segundu prus artu isperu de vida intre totu sas natziones de su mundu. Macau est annotamala una de sas pagas regiones in Àsia cun un'artu inditu de isvilupu umanu.
Àteros progetos
modìficaWikimedia Commons tenet files chi ligant a: Category:Macau |