Триуголник
Триуголникы подля довжкы сторон
Ровнобокый
Ровнораменный
Рознобокый
Триуго́лник ци три́кут (в евклидовском просторѣ) — геометрична фигура, што ся складать з трех точок, котры не лежать на едной простой, и трех одрѣзкох, што тоты точкы злучають. Три точкы, што творять триуголник, звуть ся его вершинами, а одрѣзкы — боками або сторонами. В каждом плоском (евклидовском) триуголнику сумма величин углох ровнать ся 180°.[1]
Триуголникы подля величин углох
Простоуглый
Тупоуглый
Остроуглый
Типы триуголникох
[едітовати | едітовати жрідло]
Подля довжкы сторон
[едітовати | едітовати жрідло]- Ровнобокым зве ся триуголник, што мать всѣ стороны еднакой довжкы. Всѣ углы ровнобокого триуголника тыж еднакы и суть ровны 60°.[2]
- Ровнораменным зве ся триуголник, што мать двѣ стороны еднакой довжкы. Тоты стороны звуть ся раменами, третя сторона зве ся основов. Углы при основѣ триуголника суть ровнакы. Всякый ровнобокый триуголник е въедно з тым ровнораменный, але не наопак.[3]
- Рознобокым зве ся триуголник, якого всѣ стороны мають розны довжкы. Внуторны углы рознобокого триуголника розличны.[4]
Подля величин углох
[едітовати | едітовати жрідло]- Кедь еден з углох ровный 90° (простый угол), тогды триуголник зве ся простоуглым . Сторона, сопротивна простому углу, зве ся гипотенузов, а иншы двѣ стороны — катетами.
- Кедь еден з углох векшый од 90°, тогды триуголник называють тупоуглым.
- Кедь всѣ углы меншы од 90°, триуголник называють остроуглым.
Жерела и одказы
[едітовати | едітовати жрідло]- Корн Г., Корн Т. Справочник по математике (для научных работников и инженеров). — М.: Наука, 1973. — 720 с. (djvu)
- Мякишев А. Г. Элементы геометрии треугольника. — М.: МЦНМО, 2002. (pdf)
- Триуголник (англ.)
