Теодора Византска
| Теодора Византска | |
|---|---|
| Θεοδώρα | |
 | |
| Чинность | жена и сполупановниця Юстиниана Великого |
| Горожанство | Візантьска ріша |
| Уроджѣня | 500, 497 Ціпрус, Сирия |
| Упокоеня | юна 28., 548 (48 р.) Константинополь |
| Причина смерти | рак молочної залози |
| Похованя | Церква Дванадцяти апостолів |
| Родина | Династия Юстиниана |
| Отець | Acacius |
| Брат, сестра | Комито, Anastasia |
| Манжелство | Юстиниан I. |
| Діти | Иоаннис |
 Теодора Византска на ВікіскладѣVIAF:25968250, 857154381003530291723, 418150323873509972611; GND:11862170X; LCCN:n82260537; FAST:1850849; BNF:11972340v; NLKR/NLC:ola2003188655;
| |
Теодора Византска, ґрец. Θεοδώρα, роджена меджи роками 497 а 500 в Константинополю – †28. юн 548, Константинополь была жена византского императора Юстиниана I. Великого.
Родила ся перед роком 500 в тогдышном Константинополю яко дѣвка кротителя медвѣдьох в циркусѣ. Была барз красна, але понеже походила зоз худобной родины, мусѣла працовати як артистка, што в тых часах означовало и куртизанку. не знати, коли cя спознала з Юстинианом, але в року 525 ся побрали в храмѣ Божой премудрости, наперек тому, же побраня наслѣдника трона з артистков было недопустиме.[1] Юстиниан ради того спочатку зрушив законы, котры стояли му на завадѣ.
О Теодорѣ ходили недобры плеткы. Прокопий Кесарийскый, неприятель Юстиниана, в Тайной истории малюе Теодору буйнов и нетаенов блудницьов, матерьов дасколькых незаконных дѣтей. Мимо беспутной минулости, Юстиниан любив и честовав Теодору до самой ей смерти, доставши в ей особѣ вѣрну помочницю в державных дѣлах.[2]
В часѣ повстаня Ника в року 532 храм Божой премудрости быв знищеный. Теодора, хоть од ней то не чекали, указала ся яко мудра и добра пановничка. Порадила Юстинианови як загасити тот найвекшый бунт, а тым захранила му трон. По успокоѣню бунта Юстиниан дав выставити новый, еще красшый храм, котрый быв высвяченый в року 537. Теодора выдала закон против куплерства и законы, вылѣпшуючы права жен.
Теодора умерла во своем родном городѣ Константинополю, правдоподобно на раковину. Як и Юстиниан, Теодора в Православной Церкви чтена яко свята, з титулом «правовѣрна цариця Феодора», памятный день — 14. новембер подля Юлианского календаря.[2]
Жерела и одказы
[едітовати | едітовати жрідло]- Justinian I and Theodora I. Christian History - Learn the History of Christianity & the Church. https://www.christianitytoday.com/history/people/rulers/justinian-i-and-theodora-i.html. [перевірено 2020-06-23]. англ.
- ЮСТИНИАН ВЕЛИКИЙ. ДРЕВО открытая православная энциклопедия. 18.05.2019. https://drevo-info.ru/articles/15639.html#t11. [перевірено 2020-06-23]. русс.
