Гетеборг
Найвекшый пристав Швеции
|
Гетеборг, шв. Göteborg 
/jœte'bɔrj/ (файл) – найвекшый пристав и другый найвекшый город Шведского Кральовства.[1][2] Aдминистративный центер края Западный Готаланд (Region Västra Götaland). Популація 565 496 (2018 рок). Популація +1 457 (2018.01.01 - 2018.03.31). Мер — Лена Малм (Lena Malm).
Землепис
[едітовати | едітовати жрідло]Положеный в устю рѣкы Йота елв, шв. Göta älv, о 8 км од ей вплыва до пролива Каттегат.[1][2] Од Штокголма оддаленый о 390 км на югозапад.[2]
История
[едітовати | едітовати жрідло]Город основав краль Карол IX. в року 1603 в стратегичном мѣстѣ, де быв тогды единый выход Швеции в Атлантичный океан, але в Калмарской войнѣ (1611-1613) быв он цѣлком спустошеный. Наново выставив го в року 1619 краль Густав II. Адолф, котрый му дав закладаючу листину о городскых правах в року 1621. З найстаршого часу ся заховали катедрала (1633) и церковь св. Кристины (1648).[2]
Економика
[едітовати | едітовати жрідло]Гетеборг — другый по Штокголму економичный центер Швеции и найвекшый морскый пристав. Конарѣ: нафтопереробка, нафтохемия, выроба авт, кульковых ложиск,[1] папѣрьовый, текстилный и конфекчный промысел.[3] Меджинародне летиско Ландветтер, з внуторныма краями споеный каналом Йота (Göta) и желѣзницьов.[2]
В 1840-х роках зачала ся розвивати лодярска компания Götaverken,en:Götaverken котра в 1930-х роках стала едным з найвекшых свѣтовых выробникох и оправарьох лоди, але од року 1970 тот конарь економикы заник.[2]
Жерела и одказы
[едітовати | едітовати жрідло]- Gothenburg, Sweden. //Encyclopaedia Britannica.
- Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6
- УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8