Ande

Ande
Ande
Viste parziale de le Ande da 'nu satellite
Continende	Americhe meridionale
Pajèsere	Argendine Cile Perù Bolivia Ecuador Venezuela Colombia
Cime cchiù ìerte	Aconcagua (6959 m s.l.m)
Longhezze	7000 km
Larijezze	500 km
Tipe de chianghe	chianghe metamorfeche, chianghe magmateche

'A cordigliere de le Ande (jndr'ô spagnole Cordillera de los Andes) jè 'na 'mbortande catene monduose de l'Americhe meridionale, acchijate jndr'â vanne cchiù occidendale d'u continende. Cu le sjuve 7.200 km de longhezze (da l'istme de Panamá, a nord, spiccianne a Cápe Horn, a sud) è conziderate 'a catene monduose cchiù longhe d'u munne. 'A sove larijezze medie jè de 240 km, arrevanne jndr'ô punde cchiù spannùte a le 500 km ('mbrà 'u 18º e 'u 20º parallele sud), mendre l'ìrtezze medie jè de cchiù o mène 4.000 metre.

'A catene de le Ande jè formate prengepalmènde da doje granne settore: 'a Cordillera Oriental e 'a Cordillera Occidental, p'a granna vanne scucchiáte da 'na profunne depressione 'ndermedie, jndre cui se iacchijene otre catene de 'mbortanze minore, 'a prengepále de le quale jè Cordillera de la Costa cilene. Otre piccele catene se iacchijene a lle late de le granne catene.

Le Ande attraversane sètte statère de l'Americhe meridionale: Argendine, Bolivie, Cile, Colombie, Ecuador, Perù e Venezuela, alcune de le quale sonde canosciute cumme Pajèsere andine.

'A cordigliere de le Ande jè 'a cchiù ìerte catene monduose fôre d'u continende asiateche. 'A cime cchiù ìrte, l'Aconcagua, arrive a le 6.962 metre sus a 'u levèlle d'u mare. 'A vette d'u vulcane Chimborazo, jndr'â lle Ande ecuadoriane, jè 'u punde d'a superficie terrestre cchiù lundàne da 'u cendre d'a Terre, a cause d'u regombiamènde equatoriale.

Note

Bibbliografije

Alberto Maria De Agostini, Ande patagoniche. Viaggi di esplorazione alla cordigliera patagonica australe, Meláne, CDA & Vivalda, 1999-22-11, ISBN 978-88-7808-142-0.

'Ndruche pure

Otre pruggette

Uicchimedie Commons tène files multimediale sus Ande

Collegaminde fore a Uicchipèdie