Plessur
La Plessur è in flum cun ina lunghezza da var 33,1 km dal chantun Grischun en Svizra. Ella nascha sin il territori da la vischnanca dad Arosa en las Alps da la Plessur sin in'autezza da 1'750 m, percurra il Scanvetg e sbucca en la chapitala cantunala Cuira en il Rain Alpin (Alpenrhein).
Sin il traject da l'Arosabahn vegn la Plessur sper Langwies (Pralung) traversada da la Viafier retica. Il marcant viaduct da Langwies da l'inschigner Eduard Züblin, ch'è vegnì ventschì l'onn 1914, surstenda la Plessur ed il Sapünerbach sin in'autezza da 62 m e cun ina lunghezza da 287 m.
La Plessur dat il num al district da la Plessur ed a las Alps da la Plessur (Plessur-Alpen).
| |||||
