پرم

پرم
روس دا شہر

پرم دا منظر

جھنڈا	نشان

محل وقوع
شہر دا دن	12 جون
سیاسی حثیت
دیس	روس
وفاقی اکائی	پرم کرائی
انتظامی مرکز	پرم کرائی تے ضلع پرمسکی دا
میونسپل حثیت
شہری اوکروگ	پرم شہری اوکروگ
میئر	ایگور شوبن
عوامی نمائندگی دا ادارہ	شہری دوما
اعداد تے شمار
کل رقبہ	799.68 مربع کلومیٹر
آبادی (2010ء)	9،91،530
آبادی دی گنجانی	1،240 لوک فی مربع کلومیٹر
آبادی چ نمبر	13واں
ویلہ	ییکیترنبرگ ویلہ (یو ٹی سی 6+)
قیام	15 مئی 1723ء
پرانے ناں	ییگوشیخا(1940ء تک) تے مولوتوف (1957ء تک)
سرکاری ویب سائیٹ	http://www.gorodperm.ru/

پرم روس دی پرم کرائی دا اک شہر تے انتظامی مرکز (راجگڑھ) اے . پرم شہر روس دے یورپی حصے چ کوہ یورال دے لاگے دریائے کاما دے کنڈے آباد اے ۔ 1940ء توں 1957ء تک اس شہر دا ناں مولوتوف' سی ۔ 2010ء دی مردم مشاری دے موجب شہر دی آبادی 9،91،530 اے جہڑی 2002ء دی مردم شماری دی آبادی 10،01،653 توں گھٹی اے ، جدوں کہ سن 1989ء دی مردم شماری موجب شہر دی آبادی 10،90،944 سی ۔ 2010ء دی مردم شماری موجب ایہہ شہر روس دا نواں سبتوں گنجان آباد [شہر]] اے ۔

پرم شہر چ بالشوئے ساوینو ہوائی اڈا تے بخاریوکا ایئر بیس واقع نیں ۔

ناں

ناں پرم دی اصلیت نامعلوم اے ، شاید اس دا مڈھ یورالی اے ۔

جغرافیہ

پرم شہر دا رقبہ 799.68 مربع کلومیٹر اے ۔

پرم شہر دریائے کاما دے کنڈے اک پہاڑی علاقے اتے واقع اے ۔

پرم دا موسم براعظمی اے ، ایتھے گرمیاں تتیاں تے سردیاں لمبیاں تے ٹھنڈیاں ہندیاں نیں ۔

تریخ

پرم دا ذکر پہلی دفعہ 1647ء چ اک پنڈ دے طور اتے اے ۔ پرم دی نویں تریخ زار روس پیٹر اعظم ولوں یورال دے علاقے ترقی نال شروع ہندا اے ۔ زار روس ولوں یورال کارخانےآں دے مقرر کیتے گئے چیف منیجر وسیلی تاتشچیف نے پرم شہر دی نیونہہ یورال دے علاقے دے اک دوجے اہم مرکز ییکیترنبرگ نال رکھی ۔

پرم دی بنیاد 15 مئی (4 مئی جولیئن کیلنڈر موجب) 1723ء چ رکھی گئی تے اسنوں شہر دا درجہ 29 اکتوبر 1781ء چ ملیا ۔ 1797ء چ ایہہ شہر ایسے ناں دے گوبرنیا دا انتظامی مرکز بنیا ۔

19ویں صدی عیسوی چ پرم تجارت تے صنعت دا وڈا مرکز بنیا تے 1860ء دے دہاکے چ اسدی آبادی 20،000 توں ودھ سی ۔

1916ء چ ، نویں روس دا اک وڈا تعلیمی ادارہ ، پرم سٹیٹ یونیورسٹی قائم ہوئی ۔ روسی خانہ جنگی چ پرم شہر اپنیاں جنگی ہتھیاراں دے کارخانےآں پاروں دونہاں پاسےآں دے حملےآں دا نشانہ بنیا ۔ دسمبر 1918ء چ سائیبیریائی چٹی فوج نے پرم اتے مل مار لیا پر 1919ء چ لال فوج نے مڑ شہر دا قبضہ حاصل کر لیا ۔ پرم چیکا' دے حکم اتے 12 جون 1918ء چ گریند ڈیوک ویخائیل الیگزاندرووچ نوں اسدے سیکٹری نیکولس جانس نال قتل کردتا گیا ، اینہاں دیاں نعشاں کدے وی نئیں لبھیاں ۔ اس دے کجھ ہفتے مگروں 7 جولائی 1918ء چ پرم دے آرچ بشب (اسقف اعظم) آندرونک نیکولسکی نوں وی بالشویکاں نے مار دتا ۔

اہم تھانواں

1910ء چ سرگئی پرودوکن گورسکی دیاں کھچیاں گئیاں رنگین مورتاں
پرم شہر دا عام نظارہ
پرم شہر دا نظارہگورودسکیئے گورکی توں
Razgulyay, outskirts of the city of Perm
پرم شہر دا مریم مگدالن گرجا
گرمیاں
پرم شہر دا پرانا سیبیرسکایا دروازہ
دریائے کاما پرم لاگے
پرم شہر چ یورال ریلوے انتظامیہ دا ہیڈکواٹر

سویت دور

1930ء دے دہاکے چ پرم ایتھے قائم ہون آلے ایویئیشن' ، بحری جہاز سازی تے کیمیکل کارخانےآں پاروں وڈے صنعتی شہر دے روپ چ ابھریا ۔ ایہہ صنعتی ترقی 1940ء دے دہاکے دے بعد وی جاری رہی تے بوہت ساریاں وڈیاں فیکٹریاں پرم دی پہچان بن گیاں ۔ اج دے دن تک شہر دی تقریبا 80 فیصد آبادی اینہاں کارخانےآں چ ملازمت کردی اے ۔

نواں شہر

اج پرم شہر روس دا اکوڈا انتظامی ، صنعتی ، سائنسی تے ثقافتی مرکز اے ۔ وڈیاں صنعتاں چوں ایتھے ، مشینری ، دفاعی ، تیل ، کیمیکل ، پیٹروکیمیکل ، ٹمبر تے فوڈ انڈسٹری اے ۔

سن 2004ء توں پرم شہر چ پہلی مسلمان کاسک یونٹ' کم کر رہی اے ۔

آن جان دے ذریعے

پرم شہر ٹرانس سائیبیریا ریلوے اتے اک اہم ریلوے جنگشن اے ، جتھے گھبلے روس ، اتلے یورال تے روسی مشرق بعید توں ریلوے لیناں آکے ملدیاں نیں ۔

پرم دے پبلک ٹرانسپورٹ نیٹورک چ ٹرام ، بس تے ٹرالی بس دے روٹ شامل نیں ۔

انتظامی ونڈ

پرم شہر 7 شہری ضلعےآں چ ونڈیا ہویا اے:

شہری ضلع	آبادی (2010ء موجب)
ضلع دزیرژنسکی	155,659
ضلع اندستریالنی	157,701
ضلع کیورووسکی	127,889
ضلع لیننسکی	48,562
ضلع موتوویلیخنسکی	180,086
ضلع اوردژونکیدزیوسکی	111,293
ضلع سویردلووسکی	210,340

ثقافت تے رہتل

پرم اوپیرا تے بیلے ہاؤس روس دے چنگےآں تھیٹراں چوں اک اے ۔ پرم شہر چ کئی ہور تھیٹر وی نیں ، جنہاں چ ڈرامہ تھیٹر ، پتلی تھیٹر وغیرہ شامل نیں ۔

شہر دے عجائب گھراں تے گیلریاں وشکار پرم سٹیٹ آرٹ گیلری اپنی آرٹ کولیکشن پاروں مشہور اے ، جنہاں چ 15ویں توں 18ویں صدی عیسوی پینٹنگاں (مورتاں) شامل نیں ۔

تعلیم

پرم شہر روس دا اک وڈا تعلیمی تے سائنسی مرکز اے اتھے روسی سائنساں دی اکیڈمی دی یورال شاخ پرم سائسنی مرکز نال کم کر رہی اے ۔

پرم شہر چ گئی وڈیاں یونیورسٹیاں نیں جنہاں چ پرم سٹیٹ یونیورسٹی پرم سٹیٹ ٹیکنیکل یونیورسٹی ، پرم سٹیٹ میڈیکل یونیورسٹی ، پرم سٹیٹ فارماسوٹیکل اکیڈمی ، پرم سٹیٹ زرعی یونیورسٹی وغیرہ شامل نیں ۔

بین القوامی تعلقات

ایتھے دے اہم لوک

اہہ لوک پرم شہر دے مشہور لوک نیں :

وکتور آستافیئیف ، روسی لکھاری
تاتیانا برودینا ، اوپیرا سوپرانو
سرگئی دیاگیلیف ، بیلے رقاص
الیگزاندرا کوتینیوک ، عورتاں دی شطرنج دی عاملی چمپیئن
دمتری مامن سبیریاک ، لکھاری
نکولائی موئیسیف ، خلاباز
نتاشا پولے ، رسی سپرماڈل
الیگزاندر ستیپانووچ پاپوف ، روسی طبیعات دان ، روس چ ریڈیو دا موجد
آندرونک نکولسکی ، کیوٹو ، چاپان دا پہلا بشپ
آرکادی شویتسوف ، سویت ایئرکرافٹ انجن ڈیزائنر

ہور ویکھو

پرم کرائی

باہرلے جوڑ

وکیمیڈیا کامنز چ مورتاں: پرم

پرم علاقائی سرور Archived 2007-07-14 at the وے بیک مشین
پرم میونسپل دوما دی سرکاری ویب سائیٹ Archived 2009-11-16 at the وے بیک مشین
پرم شہر دی سرکاری ویب سائیٹ
Street View of Perm Archived 2010-02-23 at the وے بیک مشین
پرم چیمبر آف کامرس اینڈ انڈسٹری Archived 2012-12-02 at the وے بیک مشین
لہندا یورال مورت البم
پرم دا ورچوئل میوزیم Archived 2004-02-01 at Archive.is
پرم دی تریخ Archived 2000-09-30 at Archive.is
پرم شہر تے علاقے بارے معلومات Archived 2005-10-20 at the وے بیک مشین
پرم شہر - شہر بارے نظم
سیاحاں لئی پرم پرم شہر تے علاقے دے نظارے
پرم شہر بارے عام معلومات
"The Perm Days" انگریزی بولی چ اک مقامی اخبار]].
پرم بیلے بارے کالم
S. Kishkovsky "Modern Dance and Art Bring a Burst of Color to a Gray City"
مورتاں
پرم بارے.

تعلیمی جوڑ

سانچہ:روس دے شہر