فلاسفی
![](http://upload.wikimedia.org/wikipedia/commons/thumb/8/8c/David_-_The_Death_of_Socrates.jpg/250px-David_-_The_Death_of_Socrates.jpg)
فلاسفی ایسا علم اے جیدا جوڑ جیون، علم، سچ سوہنا پن، انصاف، سوچ تے بولی نال اے۔ فلاسفی دا پرکھن دا ول، ایدھا سلیقے نال سوچن دا انداز تے ایدا عقلمندانہ گل بات اینوں دوجے علماں نالوں وکھرا کردے نیں۔
فلاسفی دو پرانے یونانی بولاں فائلو تے سفی نال ملکے بنیا اے جیدا مطلب اے عقل نال پیار۔
فلاسفی دے انگ
[سودھو]لیندے پاسے دی فلاسفی
[سودھو]![](http://upload.wikimedia.org/wikipedia/commons/thumb/6/6b/Europa-philosophen-1-800.png/300px-Europa-philosophen-1-800.png)
فلاسفی تے فلاسفر، اے بول کیا جاندا اے جے یونانی فلسفی فيثاغورث نے بناۓ سن۔ شبد فلاسفر نے صوفی دی تھاں لیلی جینوں سیانا بندہ سمجیا جاندا سی۔ فلاسفی دی تریخ نون 6 ٹوٹیاں ج ونڈیا جاندا اے: پرانی فلاسفی، وشکارلی فلاسفی، نویں جمن دی فلاسفی، پہلی تے مگروں دی نویں فلاسفی تے اجکل دی فلاسفی۔
پرانی فلاسفی
[سودھو]پرانی فلاسفی روم تے یونان دی 6ویں صدی پ م توں 6ویں صدی تک دی فلاسفی نوں کیا جاندا اے۔ ایس فلاسفی نوں تن ویلیاں چ ونڈیا جاسکدا اے۔ سقراط توں پہلا ویلہ، افلاطون تے ارسطو دا ویلہ، تے ارسطو توں مگروں ویلہ۔ افلاطون تے ارسطو پرانے ویلے دے منے پرمنے فلسفی نیں۔
وشکارلی فلاسفی
[سودھو]ابن رشد راجر بیکن تے تھامس اکویناس ایس ویلے دے منے پرمنے فلسفی نیں۔ ایس ویلے چ عقیدے نوں عقل نال رلیا جاریا سی۔
رینیساں/نویں جم فلاسفی
[سودھو]اے نویں فلاسفی تے وشکارلے ویلے دی فلاسفی دے وشکار دی فلاسفی اے۔ سپینوزا تے کانٹ ایس ویلے دے جانے پچھانے فلسفی نیں۔
پہلی نویں فلاسفی
[سودھو]سپینوزا لاک تے کانٹ ایس ویلے دے منے ہوۓ فلسفی سن۔
19ویں صدی دی فلاسفی
[سودھو]فختے ہیگل شوپنہائیر ایس ویلے دے مشہور فلسفی نیں۔
20ویں صدی
[سودھو]برٹرند رسل 20ویں صدی دا وڈا فلسفی اے۔