فردوسی
![](http://upload.wikimedia.org/wikipedia/commons/thumb/5/5f/Ferdowsi_Square_%28Tehran%29.jpg/220px-Ferdowsi_Square_%28Tehran%29.jpg)
![]() | |
---|---|
جم | 940 طوس |
موت | 1020 (عمر 79–80) طوس |
کم کِتہ | شاعر |
نسل | ایرانی |
صنف | فارسی شاعری، قومی شاعری |
حکیم ابوالقاسم فردوسی طوسی (حکیم ابوالقاسم فردوسی توسی ،940-1020) فارسی شاعر سن۔ اوہناں نے شاہنامہ دی رچنا کیتی جو بعد وچّ فارس (ایران) دی قومی شاعری بن گئی۔ اس وچّ اوہناں نے ستویں صدی وچّ فارس اتے عرب فتح دے پہلاں دے ایران دے بارے وچّ لکھیا ہے۔
جیون
[سودھو]فردوسی دا جنم 940 وچّ خراسان دے طوس قصبے وچّ ہویا۔ نظامی عروضی سمرکندی مطابق فردوسی دا جنم تابران صوبے دے طوس علاقے دے اک پنڈ پاز وکھے ہویا۔ دولت شاہ سمرکندی مطابق فردوسی دی جنم بھومی رزان ہے۔ ایہہ دوویں علاقے طوس علاقے وچّ ہی واقع ہن۔'[۱] اسدی ناں دے شاعر نے اسنوں سکھیا دتی اتے شاعری دے ولّ راغب کیتا ۔ اسنے ایران دے پرانے بادشاہاں دے بارے وچّ اسنوں اک گرنتھ دتا جسدی بنیاد اتے فردوسی نے شاہنامے دی رچنا کیتی۔
اس وچّ 60,000 شعر ہن۔[۲] اوہ 30-35 سال تکّ اس مہان کم وچّ لگے رہے اتے 25 فروری 1010 نوں اسنوں پورا کیتا۔ اس سمیں اوہ 85 سال دے ہو چکے سی۔ اسنے ایہہ کتاب سلطان محمود غزنوی نوں نظر کیتی جسنے 999ء وچّ خراسان فتح کر لیا سی۔ شاہناما دا لفظی مطلب شاہ دے بارے جاں کارنامے بندا ہے۔ اس شعری مجموعے وچّ عظیم فارس دے تہزیبی اتے سبھیاچاری اتہاس اتے روشنی پائی گئی ہے، ایرانی داستاناں اتے ایرانی سلطنت دا اتہاس بیان کیتا گیا ہے۔