سمندری فوج
Appearance
![](http://upload.wikimedia.org/wikipedia/commons/thumb/0/0c/USS_Nimitz_%28Nov._3%2C_2003%29.jpg/250px-USS_Nimitz_%28Nov._3%2C_2003%29.jpg)
سمندری فوج پانی تے ٹرن آلے جعازاں دا بیڑا ہوندے نیں۔ اے کسے دیس دی فوج دا انگ ہوندے نیں تے ایناں دا کم پانی تے لڑنا تے پانی توں تھاں اتے حملہ کرنا اے۔ سمندری فوج سمندری جعاز، پن ڈوبیاں، امفبیس جعاز تے سمندروں اڈن آلے جعاز ورتدی اے تے دیس دے پانیاں دا بچاؤ کردی اے تے اس توں علاوہ اے سکھان تے ریسرچ دے کماں چ وی کم کردی اے۔ حملہ کرن دے کماں وچ سمندری فوج دا کم دیس دی طاقت اپنے ساحل توں دور پہنچانا اے۔ سمندری فوج بیلسٹک میزائلاں توں ایٹمی ڈراوے دا کم وی کردی اے۔ جگ وچ 3 قسماں دی نیویاں ہوندیاں نیں: بھورے پانی آلی نیوی: جیڑی اپنے ساحل تک محدود ہوندی اے، ہرے پانی آلی نیوی: جیڑی اپنے ساحل توں تھوڑا دور حملہ کر سکدی اے تے نیلے پانی آلی نیوی: جیڑی پورے جگ وچ کتھے وی اپنے دیس دی طاقت لا سکدی اے۔