Silvan (AL)

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Panorama con ël castel e la cesa parochial ëd San Pé Silvan     Stat: Italia Region: Piemont Provincia: Provincia ëd Lissandria Nòm 'n italian: Silvano d'Orba Coordinà: Latitudin: 44° 41′ 04.8′′ N Longitudin: 8° 40′ 17.1′′ E Autëssa: 175 m s.l.m. Surfassa: 12,17 km² Abitant: 1.990 (2017) Comun dj'anviron: Castlèt d'Òrba, Cavirià, Lerma, Ovà, La Ròca, Tajeu CAP: 15060 Prefiss tel.: 0143 Còdes ÌSTAT: 006162 Còdes fiscal: I738  Sant protetor: san Pancrass  Festa dël borgh: 12 ëd magg  Sit istitussional Silvan o localment Sirvòu (Silvano d'Orba an italian, Scirvan an lìgure) a l'é un comun dël Piemont ëd 1.990 abitant , ant la provinsa ëd Lissandria. Ël pais a resta an sël piuvent oriental dla comba dël torent Òrba, dvazin a la confluensa con ël torent Piòta. J'abitant dël pais a son dit ëdcò lor silvan. Stòria La cesa 'd San Pé Ant ël teritòri 'd Silvan a-i son repert archeològich ch'a fan pensé che la region a fussa popolà fin da l'antichità: an particular davzin al camposant a-i son dij rest ëd fortificassion roman-e o àut-medievaj (le ansidite Torasse) e a-i é cheicun ch'a pensa ch'a apartenèisso a la sità 'd Rondinaria, borgh dla tarda antichità anté ch'a vivìo i sërcador d'òr. Ël pais ëd Silvan a l'é nominà a parte dal sécol ch'a fa XII e a l'era anfeodà ai marchèis aleràmich dël Bòsch. A l'é passà coma feod prima a la Comun-a 'd Lissandria, peui a la Repùblica ëd Genoa, peui ancora al Marcheisà ëd Monfrà. A j'ero doi borgà: la Vila Superior, con la cesa 'd San Pé e 'l castel ëd la famija genoèisa dj'Adorn, e la Vila Inferior, con ël borgh medieval e l'oratòri 'd San Bastian, anfeodà a la famija djë Suca e an séguit a cola dj'Adorn. A l'inissi dël Setsent a passa ansema al Monfrà al Ducà 'd Savòja, peui al Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1814 Silvan a torna ant ël Regn ëd Sardëgna, e dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859), a l'é aministrà sota a la Provinsa ëd Lissandria, al Sircondari ëd Neuve e al Mandament ëd Castlèt d'Òrba. Aministrassion Ël sìndich a l'é Ivana Maggiolino (da l'08/06/2009, scond mandà dal 26/05/2014). Anliure esterne Sit istitussional Arferiment

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi