San Luch

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

San Luch Evangelista a l'ha scrivù un dij tre evangeli dit sinòtich e ël lìber dj' At d'Apòstoj, tuti doi an grech. L'evangeli a l'é daità dël 55-60, j'At dël 61-63, bele ch'a-i sio djë studios ch'a-j piasso tuti doi apress dlë 70.
J'At d'Apòstoj a son ëstàit ëscrivù për conté ël prim ëspantiesse dël cristianésim, për euvra ëd Pero e Pàul.

Luch a l'é stàit për un longh perìod compagn ëd viage ëd Pàul.
Conforma a l'achit anti-marcionita ëd sò evangeli, scrivù a Roma vers ël 180, a sarìa mòrt a otantequatr agn an Beòssia. Patron dij médich, as festegia ël 18 d'otóber. Sò sìmbol tanme evangelista a l'é ël beu.