Còdes aeropòrt ICAO

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ël Còdes aeropòrt ICAO (soèns ciamà ëdcò indicativ ëd località) a l'é un còdes alfanumérich ëd quatr litre, ch'as dòvra për marché j'areopòrt dël mond an manera ùnica. Sti còdes a son dàit da l'Organisassion Antërnassional dl'Aviassion Sivil (an anglèis International Civil Aviation Organization), e a ven-o publicà ant sël papé ICAO nùmer 7910: Indicator ëd Località.

Ij còdes ICAO a son dovrà dai controlor ëd tràfich aèreo e an dj'operassion ëd vòl coma la pianificassion ëd rota. A son nen l'istess che ij Còdes aeropòrt IATA che a an general a resto visìbij al pùblich, ën essend dovrà për j'orari, le prenotassion e 'l moviment ëd le valis. Pr'esempi, un viagiator ch'a dòvra l'aeropòrt ëd Casele a resta dzortut costumà a vëdde sò còdes IATA: TRN, a l'é malfé che a sapia 'cò sò còdes ICAO, ch'a resta LIMF.

Ij còdes ICAO as dòvro ëdcò për identifiché dj'àutre località, coma dle stassion meteorològica, Stassion ëd Vòl Antërnassionaj ò Sénter ëd Contròl, ch'a resto ò ch'a resto nen ant n'aeropòrt.