Dògma

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

As dis dògma na vrità dla fé cristian-a che tuti ij cristian a devo aceté. La negassion d'un dògma a constituiss n'eresìa e a piassa fòra d'la Cesa.

A-i son doi tipo ëd dògma:

Un dògma a l'é definì s'a-i é n'afermassion infalìbil fortìa da 'n concili ecuménich o da 'n vësco ëd Roma. Për sòlit sòn a-i riva cand na partìa ëd cristian a nega costa vrità, creand përparèj dle division andrinta a la Cesa. N'esempi ëd dògma definì a l'é la divinità ëd Gesù ëd Nàsaret, definìa dal concili ëd Nicea ant ël 325.
Un dògma a l'é nen definì s'a l'é na vrità chërdùa antra ij cristian da tuti, sempe e daspërtut. N'esempi ëd dògma nen definì a l'é l'arsuression ëd Gesù ëd Nàsaret: a l'é mai stàita definìa përchè a l'é mai stàita contestà antra ij cristian.