Paderna

Paderna Stat: Italia Region: Piemont Provincia: Provincia ëd Lissandria Nòm 'n italian: Paderna Coordinà: Latitudin: 44° 49′ 13.7′′ N Longitudin: 8° 53′ 25.2′′ E Autëssa: 300 m s.l.m. Surfassa: 4,42 km² Abitant: 216 (2017) Comun dj'anviron: Carzòu, Còsta, La Vilëtta, Spinegh, Torton-a CAP: 15050 Prefiss tel.: 0131 Còdes ÌSTAT: 006124 Còdes fiscal: G215  Sant protetor: san Giòrs  Festa dël borgh: 23 d'avril  Sit istitussional Paderna (Paderna 'dcò an italian) a l'é un comun dël Piemont ëd 216 abitant , ant la provinsa ëd Lissandria. As treuva an sle colin-e an sla drita dla Scrivia, ant la region dij Còj Tortonèis ch'a fan part dël pre-Apenin lìgur-piemontèis. Stòria Le prime sorgiss ch'a documento la presensa 'd Paderna a armonto a l'Età 'd Mès: fondà dai tortonèis, dël 1155 jë sgnor Montmerlo ch'a controlavo 'l pais a l'han pijà part a la difèisa dla sità 'd Torton-a, assedià da l'imperador Federich I Barbarossa. A l'é peui passà an feod a la famija genoèisa djë Spìnola e peui a cola dij Carbon. Për un cit perìod, dal 1676 al 1688, j'abitant a son riussì a paghé un riscat për oten-e la libertà dai drit feodaj. Dël Setsent Paderna, tanme tut ël tortonèis, a passa sota la protession ëd Carl Emanuel III ëd Savòja ma a l'é mach d'apress a l'época dla dominassion fransèisa ëd Napoleon Bon-a-part che Paderna a intra definitivament ant ël Regn ëd Sardëgna, ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Vila Vèrnia. Dël 1929 ël comun ëd Paderna a ven ancorporà a col ëd Spinegh ma a oten torna soa indipendensa aministrativa dël 1949. Aministrassion Ël sìndich a l'é Matteo Gualco (da l'08/06/2009, scond mandà dal 25/05/2014). Anliure esterne Sit istitussional Arferiment Panorama