Max Born

Fìsich.
Max Born a l'era nà dël 1882 a Breslavia, an Almagna (al di d'ancheuj an Polònia).

Born a l'ha studià matemàtica ant j'università ëd Breslavia, Heidelberg, Zurigh e Göttingen, ma peui a l'é passà a la fìsica. Dël 1921 a l'é stàit nominà professor ëd fìsica teòrica a l'Università ëd Göttingen.

Dël 1933 a l'ha chità l'Almagna e, apress avèj passà tre agn a Cambridge, a l'é stàit nominà professor ëd filosofìa natural a l'Università d'Edimborgh.
Andàit an pension dël 1953, a l'é tornà an Almagna. A l'é mòrt dël 1970.

Sò travaj

Born a l'ha dàit tante contribussion amportante al dësvlup dla mecànica dle matris, dla mecànica ondulatòria e d'àutri domini dla fìsica.
Dël 1954 a l'ha vagnà, ansema a Walther Bothe, ël premi Nobel ëd fìsica. Për chiel, la motivassion a l'é stàita ij sò travaj fondamentaj an mecànica dij quant e dzortut l'antërpretassion ëstatìstica dla fonsion d'onda.

A pòrto sò nòm

Aprossimassion ëd Born-Oppenheimer