Owen Wilson a la prima dël film "Mi, ti e Dupree" a Londra
Owen Cunningham Wilson, ator e sienegiator american, a l'é nassù a Dallas ij 18 ëd novémber dël 1968.
An Italia soa notorietà a l'é dzortut rivà da sò esse protagonista an film come "Col dë Zoolandia", "Dadré dle linie nemise", "Ij Tenenbaum reaj", "It fom conòsse ij mè", "Starsky & Hutch" e peui "2 sìngoj a nòsse". Ant sò portfeuj a-i é ëdcò un film venerà coma "La colassion dij campion".
Dapress a sò amor con la poetëssa e musicista Erzsebet Beck, a l'é stàit gropà a soa colega Kate Hudson, ch'a l'ha conossù ën girand ël film Mi, ti e Dupree. A l'é un catòlich praticant.
Dij 26 d'aost dël 2007 Wilson a l'é stàit ricoverà a l'ospidal S.Gioan ëd Los Angeles, për via ch'a l'avìa provà a massesse[1]. A smija che sòn a sia rivà për dle question ëd dròga [2].
Apress a lòn l'ator a l'ha arlassà na comunicassion ën disend: I-j ciamo con rispet aj mojen d'anformassion ëd lasseme esse soagnà an privà ant ës brut moment-sì”[3].
L'assident a l'ha causà quàich problema ant sël pian professional: a l'é stàit en efet tajà dal personal dla pelìcola Tropic Thunder (Tron Tropical), andoa a l'avrìa recità con sò amis Ben Stiller (ch'a l'é ëdcò 'l regista). Soa part a l'ha peui fala Matthew McConaughey[4].