Personekuld
Dialegd: Schbaimarisch |
![](http://upload.wikimedia.org/wikipedia/commons/thumb/b/bc/Mao_Zedong_Portr%C3%A4t_am_Eingang_zur_Verbotenen_Stadt.jpg/220px-Mao_Zedong_Portr%C3%A4t_am_Eingang_zur_Verbotenen_Stadt.jpg)
Personenkult määnd die Iwwahejung, iwwameßischi Va'ehrung unn Glorifizierung vunna maischdens noch lewende Persone. S'konn awwa a iwwas Lewe naus geje, die Kuld iwwade Dod waidagfierd werre. In dem Fall grenzd sischs awwa vunnem Dodekuld ab. Haifisch basierd des inde Bolidig, Unnahaldunsinduschdrie, im Schbord unn inde Kuldur. Haid konn des a än Schdaakuld soi. Vawonde B'griff sind karismatisch, Hailischva'ehrung, Dodekuld odda Heldeva'ehrung.
De Personekuld werd ofd fa Probagonda oigsedzd unn konn a Mergmol zum Baischbiel vun Monarche, Digdadure, Oligarchieje, Theogradieje unn Glepdogradieje soi.
Hinnagrund
[Schaffe | Om Gwelltegschd schaffe]![](http://upload.wikimedia.org/wikipedia/commons/thumb/e/eb/Statue-Augustus.jpg/170px-Statue-Augustus.jpg)
![](http://upload.wikimedia.org/wikipedia/commons/thumb/2/20/Napoleon_III%2C_CDV_by_Disderi%2C_1859-retouch.jpg/220px-Napoleon_III%2C_CDV_by_Disderi%2C_1859-retouch.jpg)
Schdaatsowahaibda sinn ofd midd Reschbegd unn Ehrfuschd gseje unn b'hondeld worre unn ma hoddn ofd iwwamenschlische Aischeschafde zug'schbroche. Im middelaldalische Europa hodds ofd keese, dassn Herscha soi Omd nochm Brinzib vum geddlische Reschd vunde Kenische, dursch de Wille Goddes odda de Gedda ausiewen. Im alde Egybde, japonische Kaisaraisch, baide Inka, de Azteke, in Tibet, Siam (haid Thailond) unnem remische Raisch hawwen Herscha a als "Goddkenische" g'golde. Durschde Kaisakuld im alde Rom hawwen de Kaiser unn oinische vun soina Familije geddlisch valiejene Autorität im remische Schdaad kabd.