Laraha
Laraha | ||
---|---|---|
Clasificacion taxonomico | ||
Division:
Clase:
Orden:
Genero:
| ||
Subespecie | ||
Citrus aurantium currassuviencis | ||
[Edita Wikidata] · [Manual] |
![](http://upload.wikimedia.org/wikipedia/commons/thumb/7/79/Blason_an_Cura%C3%A7ao.svg/300px-Blason_an_Cura%C3%A7ao.svg.png)
Laraha (Citrus aurantium subsp. currassuviencis)[1] ta un palu di sitrùs ku ta krese na e isla di Kòrsou. E laraha ta un supespesie di e apelsina. Su fruta ta mas amargo ku e otro sortonan di sitrùs i generalmente ta wòrdu konsiderá komo no-komibel. Su kaska seku, konosí komo kaska di Kòrsou, ta wòrdu usá, entre otro, pa traha likùr curaçao.
Nòmber
[editá | editá fuente]E nòmber ta derivá di e palabra portugues "laranja", ku ta nifiká apelsina. E nòmber taksonómiko pa e laraha ta Citrus aurantium subsp. currassuviencis, ku ta sinónimo di C. aurantium var. currassuviencis.[2]
Historia i Uso
[editá | editá fuente]E palu di apelsina, sorto 'Sevilla', ku a wòrdu introdusí na Kòrsou for di Spaña na 1527 no por a soportá e klima i e tera di e region sùit di Karibe.[2]
E fruta dushi a bira un produkto amargo ku bo no por kome, hasta e kabritonan tabata laga e fruta aki trankil. Sinembargo, dékadanan despues (e fecha eksakto a bai pèrdí), e kaska seku di e fruta, ku mientrastantu a degenerá, a resultá di tin un sabor agradabel,[2] i eksperimentashon ku e ekstraktonan di e kaska a kondusí na kreashon di e "likùr curaçao".
Tambe ta usa e kaska di laraha den diferente tipo di serbes, prinsipalmente serbes blanku di Bélgika.
Fuente, nota i/òf referensia
|