Haematoxylum brasiletto
Haematoxylum brasiletto | ||
---|---|---|
![]() | ||
Clasificacion taxonomico | ||
Subreino:
Division:
Clase:
Subclase:
Orden:
Subfamia:
Tribu:
Genero:
| ||
Especie | ||
Haematoxylum brasiletto H.Karst., 1862 | ||
Imagennan riba ![]() | ||
Haematoxylum brasiletto riba ![]() | ||
[Edita Wikidata] · [Manual] |
Haematoxylum brasiletto (Brazil na Aruba, Brasia na Boneiro y Corsou)[1] ta un mata tropical cu ta pertenece na e famia Fabaceae.
Descripcion
[editá | editá fuente]Similar cu un Kibrahacha, e Brazil ta floria, na troshi yen, cu flor geel y mayoria di biaha sin blachi.[2] Pa e motibo aki, e mata di Brazil por wordo confundi cu un Kibrahacha. E blachinan berde tin un rand lizo cu un largura di 1–3,5 cm y hunchura di 1–3,5 cm.[2] E fruta ta un baliña, bruin cla, chikito y plat, 6 cm largo y 1,5 cm hancho.[2] E takinan tin sumpiña chikito duro.[3]
Etimologia
[editá | editá fuente]Entre periodo di 1636–1792,[4] e mata di Brazil tabata cosecha y transporta pa Hulanda, unda e palo tabata wordo procesa den un rasphuis pa extrae pigment. E pigment tabata wordo usa pa tiña pania, asina e Hulandesnan a yama Brazil, Verfhout[3] (o Brasa den Latin pa su color cora).[4] Na Europa, solamente e hendenan rico por a cumpra paña di color briyante, traha cu tiña caro di medio oriente. Sinembargo, e produccion di e tiña Antiano tabata mas barata, asina el a bira posibel pa tambe tiña paña pa e hende comun.[4]
Ademas, e Hulandesnan tambe tabata yama e mata di Brazil, stokvishout. Stokvis ta un proceso comun pa seca pisca, por ehempel bacalou. Ora e palo ta fresco y corta e ta hole manera stokvis.[5]
Distribucion
[editá | editá fuente]Aruba
[editá | editá fuente]![](http://upload.wikimedia.org/wikipedia/commons/thumb/7/7f/NL-HaNA_4.MIKO_308-groot.jpg/220px-NL-HaNA_4.MIKO_308-groot.jpg)
Segun e mapa di gezaghebber Johan F. W. Gravenhorst na aña 1828, e area di sero oost di Jamanota, costa sur di Sero Colorado te cu Barcadera, y un extencion pa nort alrededor di Franse Pas te mas o menos Santa Cruz a forma e 'districto di palo di brazil', cual gobierno tabata mantene un monopolio riba dje.[6]
Fuente, nota i/òf referensia
|