Fofoti

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Fofoti
Status di IUCN: Menos preocupa (2007)
Clasificacion taxonomico
Reino: Plantae Clase: Spermatopsida Orden: Myrtales Famia: Combretaceae Genero: Conocarpus
Especie
Conocarpus erectus L., 1753
Sinonimo
Conocarpus erecta var. erecta Conocarpus erectus var. sericeus
Imagennan riba Wikimedia Commons
Fofoti riba Wikispecies
[Edita Wikidata] · [Manual]

Fofoti (Conocarpus erectus var. erectus, Botonsio na Boneiro, Romangel na Corsou, Mangel Blancu na Boneiro y Corsou) ta pertenece na e famia Combretacea y e no ta un manglo berdadero. E tin un haltura di 1–8 meter halto, alabes e por crece te na un haltura di 20 meter. C. erectus tin flor chikito cu un diameter di 1 cm, geel-berde den color den un forma di un balchi na fin di un taki. E frutanan ta forma, despues di a floria, un balchi maron.

C. erectus ta adapta y distribui na un medio ambiente salo, den cercania di awa salo. C. erectus no tin wortel den aire, manera un manglo berdadero, pues e tin klier di salo cu ta extrae abundancia di salo for di e mata.

E especie aki ta crece den region tropical y subtropical rond di mundo. E ta aparece den naturalesa na Aruba, Corsou y Boneiro. Hopi bes ta bruha e fofoti cu e palo di dividivi, pero nan no ta e mesun mata.

Na Aruba e fofoti ta riba lista di matanan protehi. Na Eagle Beach tin un fofoti masha conoci y cu ta un bista popular pa saca potret.

Flor di C. erectus

Bista riba fofoti na Eagle Beach, Aruba.