Lagari
- Para keng aliwang gamit, lawen ye ing Lagari (disambiguation).
Saw | |
---|---|
Metung a lagaring pamutut (crosscut saw) a manga 620 mm king kaba
| |
Pamitinduk-tinduk (Classification) | Cutting |
Uri | Hand saw Back saw Circular saw Reciprocating saw Band saw |
Makaugne | Milling cutter |
Ing lagari metung yang kasangkapan a maki masias a taram o alambring maki magaspang king kayang gilid, a gagamitan ba lang pututan deng materialis a mas malambut. Mapalyaring taram yang maki ipan o maki gilid yang magaspang itang dake nang pamutut ning metung a lagari. Malyari yang paganan ing lagari kapamilatan ning gamat, o malyari ne mang paganan king upaya ning singo (steam), danum, kurienti o aliwa pang pikuanan enerhia.
Ketang modernung lagaring maki ipan, makabaluktut ya ing balang ipan king eksaktung anggulung ausan dang "set". Magdependi ya ing set da reng ipan ketang uri ning putut a kailangan nang gawan ning lagari. Alimbawa, makayawig la anggulu king taram ning pat deng ipan ning "lagaring panistis" o rip saw. Miliari iti uling kailangan neng tistisan, tastasan o gabakan ning lagaring panistis itang lalagarian na. Atin namang ipan a makakorba o makalikung bagya king metung a tagiliran ning taram, ba yang mas malapad itang gulis a meputut kesa ketang mismung taram, at e malalakuan king meputut ing taram.
Ita namang abrasive saw, gagamit yang magaspang a mabilug (abrasive disc) o babat (band) king pamamutut, at e taram a maki ipan.
Agpang king paniwala da king China, i Lu Ban ing menimbentu king lagari. King mitolohiya ning Gresia (Greek mythology), i Perdix, a pangunakan nang Daedalos, ing menimbentu king lagari. Nanupata, agpang king amlat (history), kanita la pang panaun a prehistoric (bayu ing amlat) deng lagari, at mapalyaring menibatan la kareng kasangkapan a gawa king batu o butul a gagamitan da kanitang panaun a Neolithic.
See also
[mag-edit | alilan ya ing pikuwanan]![](http://upload.wikimedia.org/wikipedia/commons/thumb/4/4a/Commons-logo.svg/50px-Commons-logo.svg.png)
External links
[mag-edit | alilan ya ing pikuwanan]- Saw Blade Tooth Shape
- Number of Teeth You Should Have on your Saw Blade
- Diamond Blade Patents Archived Agostu 7, 2008 at the Wayback Machine