Härgylindu

Härgylindu libo harmairožauikku (Podiceps grisegena) on uikkuloin heimoh kuului lindu.

Karjalankieline nimi

Karjalan kielen sanakirjas ei lövvy perindöllisty nimie tälle linnule da nenga pidäy luadie uuzi sana. Suomen kieles lindu tundietah nimel härkälintu sendäh, ku sil on yhtenjyttyine iäni kui häkil. Nimi tundietah suomen kirjukielen ližäkse eritengi suomen päivännouzumurdehis,^[1] kudamat ollah karjalan kielele lähisty suguu da sendäh olis luonnollistu ottua tämä nimi laihinsanakse karjalangi kieleh. Nimen vois kiändiä karjalakse häkkilindu, ga tämä nimi olis probliemalline sendäh, ku sanal häkki on sežo merkičys 'klietku' da eritengi yhtyssanannu häkkilindu voidas kebjieh ellendiä viärin.^[2]^[3] Nimi härgylindu vois sendäh olla parembi kiännös – sana härgy tundietah karjalan kieles sanan häkki sinoniimannu, hos livvis se ongi ylen harvinaine.^[4]^[5] Vie yksi vaihtoehto ois muvvostua linnun karjalankieline nimi eestinkielizen hallpõsk-pütt ja ven'ankielizen серощёкая поганка avvul. Nenga suadas nimekse harmairožauikku. Sana uikku on laihinsana suomen kielespäi da sidä käytetäh samah suguh kuulujih linduloih näh, ezimerkikse: mustukulku-uikku, mustukaglu-uikku, pikku-uikku.

Lähtiet

[1] ttps://kaino.kotus.fi/sms/?p=article&word=h%C3%A4rk%C3%A4lintu&sms_id=SMS_13d0f8e045afea151ef58603d9794331

[2] ttps://kaino.kotus.fi/cgi-bin/kks/karjala.cgi?a=h%C3%A4kki01

[3] ttps://kaino.kotus.fi/cgi-bin/kks/karjala.cgi?a=h%C3%A4kki02

[4] ttps://kaino.kotus.fi/cgi-bin/kks/karjala.cgi?a=h%C3%A4rk%C3%A4

[5] ttps://web.archive.org/web/20210116182713/https://www.karjal.fi/avoinkirjasto/wp-content/uploads/2018/03/Sanakirja_karjala-suomi_Py%C3%B6li.pdf

[1]

[2]

[3]

[4]

[5]