Turbants Roges
La revòlta dels turbants roges ( chinés: 紅巾起義; pinyin: Hóngjīn Qǐyì ) foguèt una revòlta fòrça influenciada per los membres de la Societat del Lotus Blanc. Se debanèt entre las annadas 1351 e 1368 e aguèt coma tòca totjorn la casuda de la dinastia Yuan que, fin finala, atenhèron.
Las causas de la revòlta foguèron divèrsas; durant las annadas 1340 la dinastia Yuan mongòla aguèt plusors problèmas. Lo Fluvi Jaune provoquèt d'inondacions gaireben cada an. A mai, i aguèron d'autras catastròfas naturalas. Pendent aquela epòca la dinastia Yuan aguèt de besonh fòrça argent per poder pacificar un empèri tan grand.
![](http://upload.wikimedia.org/wikipedia/commons/thumb/b/b7/Red_Turban.png/220px-Red_Turban.png)
A mai, la pesta bubonica (pesta negra) atanben ajudèt en la naissença d'aqueste moviment. Divèrsas sectas trabalhèron per far tombar los darrièrs emperaires mongòls de la dinastia Yuan e totjorn parlèron del destin divin qu'aviá la revòlta.
L'armada dels Turbants Roges
[modificar | Modificar lo còdi]L'armada dels Turbants Roges (紅巾軍) foguèt començada per d'adèptes del Lotus Blanc e lo Maniqueisme e foguèt fondada per Guo Zixing (郭子興) per far fàcia als mongòls. Lo nom de turbants roges foguèt utilizat pr'amor de la costuma de lors òmes d'emplejar de turbants roges per se destriar dels autres.
La revòlta acomencèt a la còsta de Zhejiang, quora Fang Guozhen e los sieus òmes assautèron un grop d'oficials Yan. Aprés aquò far la Societat del Lotus Blanc del nòrd del Fluvi Jaune, dirigida per Han Shantong, venguèt lo centre del sentiment contrari als mongòls. Plusors grops rebels crotzèron lo Riu Yalu per assajar de conquistar Pyeongyang, a la peninsula coreana. Totun, l'invasion foguèt vancuda per una armada dirigida per los generals Choe Yeong e Yi Seonggye.
En 1351 la societat planifiquèt una revòlta armada mas foguèron descobèrts e Han Shantong foguèt arrestat e executat per lo govèrn Yuan. Aprés sa mòrt Liu Futong (劉福通),membre del Lotus Blanc, ajudèt lo filh de Han, Ha Lin'er(韓林兒), per èsser lo nòu cap de l'Armada dels Turbants Roges. Apuèi, divèrses grops rebels del sud del fluvi Yangtze atanben se revoltèron coma los Turbants Roges del Sud. Entre los caps d'aqueles i aviá Xu Shouhui e Chen Youliang. La revòlta aguèt atanben lo sosten del cap Peng Yingyu(彭瑩玉; 1338) e Zou Pusheng (鄒普勝; 1351).
LA FIN
[modificar | Modificar lo còdi]Un dels caps mai importants dels Turbants Roges foguèt Zhu Yuanghang. Al començament seguiguèt Guo Zixing e fins maridèt la filha adoptiva de Guo. Aprés la sieuna mòrt Zhu foguèt vist coma lo cap natural de l'armada e decidiguèt de la dirigir.
Entre 1336 e 1367 Zhu començe`t una sèria de campanhas que volián provocar la desfacha dels sieus contraris dins lo quite moviment dels Turbants Roges. Pr'aquò balhèt supòrt, de primièr, a Han Lin'er, per pacificar la frontièra nòrd. Apuèi poguèt ganhar los sieus rivals Chen Youliang, Zhang Shicheng e Fang Guozhen, un après l'autre. E apuèi aquò far anèt contra Lin'er. D'efièch aquò entraïnèt un supòt popular mai e mai grand.
En 1368 Zhu Yuanghang se proclamèt Emperaire a Yingtian e foguèt conegut dempuèi aquel moment coma l'Emperaire Hongwu de la Dinastia Ming. L'annada seguenta los Ming conquistèron Dadu e lo contraròtle de la dinastia mongòla dels Yuan foguèt finida oficialament. China tornava d'èsser unida jos los Han chineses.
Segon divèrses testimònis los soldats de l'Armada dels Turbants Rogèrts foguèron fòrça crusèls e brutals amb los oficials Yuan que tombavan dins lors mans mas atanben amb los soldats Yuan. Aquò es un fach que foguèt fòrça rebrembat per la populacion pendent desenats d'ans.