Torre de la Babòta
![](http://upload.wikimedia.org/wikipedia/commons/thumb/c/c9/Montpellier_-_Tour_de_la_Babote.jpg/250px-Montpellier_-_Tour_de_la_Babote.jpg)
La Torre de la Babòta es un vestigi dels ancians barris de la vila de Montpelhièr, en Lengadòc. Al sègle XVIII, aguèt la foncion d'observatòri astronomic.
![](http://upload.wikimedia.org/wikipedia/commons/thumb/8/8e/Early_flight_02561u_%283%29.jpg/220px-Early_flight_02561u_%283%29.jpg)
La torre de la Babòta es una de las vint e cinc torres de l'encencha fortificada qu'aparava la vila de Montpelhièr a la fin del sègle XII. Nauta de vint e sièis mètres, ne 'n demora lo darrièr vestigi amb la torre dels Pins.
En 1739, l'Acadèmia reiala de las sciéncias demandèt l'autorizacion de i establir un observatòri d'astronomia, çò que li foguèt acordat pel director general de las fortificacions, lo marescal d'Asfeld. L'enauçament de la torre a partir de la parabanda, data d'aquesta epòca. Lo trabalh s'acabèt en 1745. L'observatòri foncionèt entrò 1793.
En 1832, la Babòta assostèt lo telegraf Chappe. A la fin del sègle XIX, la Societat colombofila d'Erau i installèt sos colombs. Los astronòms tornèron far sas observacions dins la torre entre 1902 e 1922. La Federacion d'astronomia populara amator del Miègjorn i a son sèti dempuèi 1981.