Tennis de cadieral de ròdas
![](http://upload.wikimedia.org/wikipedia/commons/thumb/d/d1/2008_Summer_Paralympics_Wheelchair_tennis_-_men.jpg/310px-2008_Summer_Paralympics_Wheelchair_tennis_-_men.jpg)
Lo tennis de cadieral de ròdas es un andiespòrt derivat del tennis.
Inventat per Brad Parks[1], se practica dempuèi los ans 1970.
Règlas
[modificar | Modificar lo còdi]Lo tennis de cadieral seguís las règlas de la Federacion internacionala de tennis. Las dimensions del terren e la nautor del filat son los meteisses qu'al tennis per valids. La sola adaptacion al respècte del tennis practicat pels valids es que los jogaires de tennis de cadieral pòdon daisser la bala rebombir dos còps abans de la tornar. Lo segond rebomb se pòt far a l'exterior de las limitas del terren. Se pòt jogar al tennis en cadieral en simple, en doble o en doble mixte. Se un jogaire tetraplegic es dins l'impossibilitat de lançar una bala al servici, alara una autra persona pòt lançar la bala per ela, mas se deu utilizar lo meteis biais per cada còp.
Lo jogaire perd lo punt se pòt pas tornar la bala abans lo tresen rebomb e se garda pas lo contacte d'una una de las doas patèrlas amb son cadieral quand frapa la bala.
![](http://upload.wikimedia.org/wikipedia/commons/thumb/a/ad/Fauteuil_tennis.jpg/220px-Fauteuil_tennis.jpg)
La condicion de participacion es d'aver un andicap motor que permet pas la practica del tennis de pé. Los jogaires an donc un andicap d'un o dels dos membres inferiors. I a pas de categoria d'andicap coma dins los autres andiespòrts.
Sols los jogaires o jogairas, que son tocats a un o dos membres superiors, jògan dins una categoria especifica: los Quads. Pòdon se ligar la raqueta a la man e unes utilizan un cadieral electric.
Lo cadieral de ròdas utilizat per la practica del tennis de cadieral es un material especific, amb un carroçtge important (20°) de ròdas arrièr, e una o doas rodetas avant per una estabilitat melhora. Sas qualitats son un pes fleble, una granda maniabilitat, una granda estabilitat e una simplicitat dels reglatges (sisa e posicionament).