Salta
![](http://upload.wikimedia.org/wikipedia/commons/thumb/0/04/Salta_Montage.jpg/260px-Salta_Montage.jpg)
Salta qu'ei ua ciutat argentina, capitala de la província deu medish nom. Qu'ei situada au pè deus Andes, dens la vath de Lerma. Per'mor de la beutat d'aquesta vath e deu son patrimòni arquitecturau, la vila qu'ei susnomada Salta la Bèra.
Istòria
[modificar | Modificar lo còdi]La ciutat que ho fondada per Hernando de Lerma lo 16 d'abriu de 1582. Que he partida de la Vicereiautat deu Peró dinc a 1776, annada de la creacion de la Vicereiautat de l'arriu de Plata (qui la soa capitala be hore Buenos Aires). Que vadó capitala de l'Intendéncia de Salta del Tucumán.
Durant la Guèrra d'Independéncia, los gauchos aus òrdis deu generau Güemes que combatón las tropas espanhòus en las empachar de tornar conquestar Argentina. En 1813, lo generau argentin Manuel Belgrano qu'obtiengó ua victòria decisiva per la libertat definitiva deu país suber los reialistas espanhòus durant la batalha de Salta.
Durant lo sègle XIX, Salta que demorè estremada e que tornè conéisher ua importanta activitat economica dab l'arribada deu trin (1890) e, dab eth, deus immigrants : italians, espanhòus e sirio-libanés. Despuish la fin deu sègle XX qu'a pravat hèra, au punt d'engolir las vilas pròchas entà formar lo Gran Salta.
Monuments e activitats toristicas
[modificar | Modificar lo còdi]- Cabildo de Salta e los sons dus musèus istorics.
- Catedrala de Salta
- Glèisa e convent de San Fransico (dab un musèu)
- Glèisa de la Cadelaria
- Lo Tren cap a las nublas que part de Salta
- Puei de San Bernardo, accessible dab lo teleferic desempuish lo parc San Martín ; l'ascencion de las soas mei de 1000 gradas marcadas per un via crucis qu'ei ua atraccion entaus esportius ; au som òm tròba lo bethvéder.
- Ostau deus Güemes
Galariá
[modificar | Modificar lo còdi]-
Catedrala de Salta
-
Glèisa de la Candelaria]]
-
Monument en omatge a Martín Miguel de Güemes