Jorge Rafael Videla
Jorge Rafael Videla
| |
---|---|
Naissença | {{{datadenaissença}}} |
Decès | {{{datadedecès}}} |
País d'origina | |
Nacionalitat | |
Profession | |
Ocupacion | |
Luòc de trabalh | |
Distincions |
Jorge Rafael Videla Redondo, militar (1925-2013) foguèt president d'Argentina entre 1976 e 1981.
Lo còp d'Estat
[modificar | Modificar lo còdi]Lo General de Brigada Jorge Rafael Videla foguèt nomenat Comandant en Cap de l'armada per la presidenta María Estela Martínez de Perón en 1974. Videla dirigiguèt lo còp d'Estat del 24 de març de 1976 que remplacèt Martínez de Perón per una junta militara, formada d'el meteis, representant l'Armada de tèrra, de l'amiralh Emilio Eduardo Massera per la Marina e del brigadièr general Orlando Ramón Agosti per la Fòrça Aeriana, en iniciant l'autodenominat Procès de Reorganizacion Nacional. Fòrça membres de las bassas esfèras militaras argentinas recebèron un entrainament dins la famosa Escòla de las Americas (a l'ora d'ara nomenada Institut de Cooperacion per la Seguretat Emisferica), situada en Panamà fins a 1984, finançada e dirigida pels Estats Units. Lo còp d'Estat militar faguèt partida d'un plan màger de còps d'estats militars dins tota l'America Latina ont se trobavan implicats la CIA e los Estats Units.
Lo 29 de març assumiguèt la Presidéncia de la Nacion, qu'ocupariá fins a èsser remplaçat per Roberto Eduardo Viola en 1981, en complissent lo periòde presidencial de 5 ans establits per la Junta Militara.
Violacions dels Dreches de l'Òme
[modificar | Modificar lo còdi]La junta militara assumiguèt lo poder durant un periòde d'extrèma instabilitat, amb d'atacs terroristas dels grops marxistas Ejército Revolucionario del Pueblo - ERP e los Montoneros (qu'èra vengut illegal après la mòrt de Juan Domingo Perón en julhet de 1974), e de constants e violents atacs de l'organizacion d'extrema drecha Alianza Anticomunista Argentina - AAA, dirigida per José López Rega, èx-ministre de Benestar Social durant lo govèrn d'Isabelita Perón.
Los membres de la Junta Militara aprofechèron aquela situacion d'instabilitat per nomenar lo còp de Procès de Reorganizacion Nacional. Lo govèrn militar argentin arrestèt, detenguèt, torturèt, e assassinèt suspèctes de terrorisme e adversaris politics. Coma resultat, las violacions dels Dreches de l'Òme foguèron comunas. Segon d'estimacions, almens 8960 e fins a 30 000 argentins foguèron subjèctes a desaparicion forçada (desaparecidos) e pus probablament foguèron tuats; fòrça èran illegalament detenguts e torturats, e d'autres partiguèron en exili.[1]
Referéncias
[modificar | Modificar lo còdi]- ↑ Font: http://www.yendor.com/vanished/how-many.html The Victims: Abducted, Tortured, Vanished. The Vanished Gallery
Precedit per María Estela Martínez de Perón |
![]() President d'Argentina 29 de març de 1976 - 29 de març de 1981 |
Seguit per Roberto Eduardo Viola |