Gregòri Palamas
![](http://upload.wikimedia.org/wikipedia/commons/thumb/2/2e/Gregor_Palamas.jpg/220px-Gregor_Palamas.jpg)
Gregòri Palamas (vèrs 1296 - 1359) foguèt un teologian bizantin. Es un sant de la Glèisa Ortodoxa.
Nasquèt a Constantinòple au sen d'una familha de cortesans de la Cort de l'emperaire Andronic II Paleòleg (1282-1328). Son paire moriguèt rapidament après sa naissença e son educacion foguèt assegurada per l'ostau de l'emperaire eu meteis. En 1316, venguèt monge au Mont Athos avans de venir prèire en Tessalonica en 1326. Ne'n venguèt arquevesque en 1347.
Son òbra teologica es principalament marcada per sa participacion ai controvèrsias religiosas dau periòde. D'efèct, sostengut per l'emperaire Andronic III Paleòleg (1328-1341), defendiguèt l'esicasme còntra Barlaam, partisan de l'ortodoxia, que foguèt condamnat en 1341. Son trabalh desvolopèt una teologia de la deïficacion e un aspèct novèu de la communion que donèt a l'esicasme una portada sociala e ecclesiastica. Aquò ne'n assegurèt lo succès. Pasmens, a tèrme cort, après la mòrt de son protector, sei tèsis foguèron a son torn condamnadas en 1344 avans de conóisser una reabilitacion en 1351 quand l'esicasme integrèt lo dògma de la Glèisa Ortodoxa.