Estiu primaic
Estiu primaic
| |
---|---|
Títol original | ''Bakushu'' |
Realizacion | Yasujirō Ozu |
Actors principals | Setsuko Hara Chishū Ryū Chikage Awashima Kuniko Miyake |
Scenari | Kogo Noda Yasujirō Ozu |
Musica | Seiji Ito |
Fotografia | Yuuharu Atsuta |
Montatge | Yoshiyasu Hamamura |
Produccion | Takeshi Yamamoto |
Societat de distribucion | Schochiku Films Ltd |
Format | Blanc e negre |
Genre | Drama familial |
Durada | 125' |
Sortida | 3 d' octobre de 1951 a Japon |
Lenga(s) originala(s) | japonés |
País d’origina | ![]() |
Estiu primaic ( del siu títol original japonés Bakushu , çò es Temps de l'òrdi per segar) es lo 2nd filme d'en Yasujirō Ozu amb na Setsuko Hara.
Sinòpsi
[modificar | Modificar lo còdi]Noriko Mamiya (Setsuko Hara), jove secretària de 28 ans e pas encara maridada es al còr e al centre del brivent d'aiceste relat d'una familha toquioïta de la mejana borgesiá.
Totes, d'als sius parents ja vielhets, en Shukichi lo paire (Ichiro Sugai) e na Shige la maire (Chieko Higashiyama) fins al siu fraire ainat en Koichi (Chishu Ryu) que fa de mètge e aital provesidor de la màger part de las ressorsas familialas, la se voldrián veire casada e doncas enanada d'a l'ostal familial.
Lai vívon tanben na Fumiko (Kuniko Miyake), molhèr d'en Koichi e los sius dos pichons Minoru (Zen Murase) e Isamu (Isao Shirosawa).
![](http://upload.wikimedia.org/wikipedia/commons/thumb/6/63/Setsuko_Hara_in_Early_Summer.jpg/350px-Setsuko_Hara_in_Early_Summer.jpg)
Noriko es d'un avejaire contrari e subretot ne vól pas cap d'un maridatge organizat.
Li prepausan (per l'entremesa d'un oncle vièlh) de prene lenga amb un òme d'afar pro aisat mas ela o refusa còpsec.
Sola la siá amiga n' Aya Tamura (Chikage Awashima) li farà prodèl e li portarà ajuda e sosten davant aicesta "idéia fixa" dels sius.
Fin finala se n'anarà pensant davant la lor pesuga insisténcia que ben los se poiriá ça que la satisfar en se maridar amb lo siu amic d'enfantesa e aimador de totjorn en Kenkichi Yabe (Hiroshi Nihonyanagi).
Ne fa de mètge aiceste e deu anar trabalhar a Akita pendent dequ'unas annadas, al nord oèst de Honshu.
La familha sagelarà pr'aquò mas de racacòr la decision de Noriko d'acompanhar lo siu marit venidor durant una sesilha de fotografias de familha que sintetiza amai simboliza per n'Ozu a l'un còp la permanéncia de çò enregistrat per la pellicula amb ailò que ja envolat de l'estructura familiala, que totòm se'n va del siu band.
L'ultim plan del filme serà lo d'un camp d'òrdi ja prèst per la sèga.
Se ne justifica aital lo títol
original del filme (id est Bakushu, çò es Sason de l'òrdi per segar).
Un autre plan, coma un liuç, lo d'una nòvia vestida al biais tradicional nipon nos mòstra plan coma tot quora càmbia quora càmbia pas... en pel flume bèl de la vida e los sius brius de long polsar mas ne finís sempre al deltà... al camp per segar o segat... e aital de seguit fins al cap del tempsòt uman.
Analisi de l'òbra
[modificar | Modificar lo còdi]citacions
[modificar | Modificar lo còdi]Ficha tecnica
[modificar | Modificar lo còdi]Distribucion
[modificar | Modificar lo còdi]- Setsuko Hara Noriko Mamiya, la filha
- Chishu Ryu Koichi Mamiya, l'ainat
- Chikage AwashimaAka Tamura, amiga de Noriko
- Kuniko Miyake Fumiko Mamiya, la femna de Koichi
- Ichiro Suigai Shukichi Mamiya, lo paire
- Chieko Higashiyama Shige Mamiya, la maire
- Zen Murase Minoru Mamiya, lo felen
- Isao Chirosawa Isamu Mamiya, lo felen
- Kokuten Kodo l'oncle vièlh
- Hiroshi Nihonyanagi Kenkichi Yabe, l'amic d'enfantesa
- Haruko Sugimura Tami Yabe, sa maire
- Kuniko Igawa Takako
- Shuji Sano Sotaro Satake, patron de Noriko
- Toyo Takahashi Nobu Tamura
- Seiji Miyaguchi Nishiwaki
- Ito Kazuyo Mitsuko Yabe
Resson a Japon
[modificar | Modificar lo còdi]Resson internacional
[modificar | Modificar lo còdi]Prèmis e guerdons
[modificar | Modificar lo còdi]- 1952 Kinema Junpo Award melhor filme
- 1952 Mainichi Film Concours Award melhor filme
- 1952 Mainichi Film Concours Award melhor realizator
Bibliografia
[modificar | Modificar lo còdi]- Yasujiro Ozu & Kogo Noda: Bakushu - Début d'été - 1951 ... script d'origina traduch del japonés per Michel & Estrellita Wasserman, Publications Orientalistes de France, París, decembre de 1986 (en francés)
- veire tanben bibliografia mai complèta e exaustiva dins l'article Ozu Yasujirō
Documents audiovisuals
[modificar | Modificar lo còdi]Vejatz tanben
[modificar | Modificar lo còdi]Ligams extèrnes
[modificar | Modificar lo còdi]- (fr) Estiu primaic sus IMDb
Nòtas & referéncias
[modificar | Modificar lo còdi]<references>