Emirat de Creta
![](http://upload.wikimedia.org/wikipedia/commons/thumb/c/c5/Byzantines_under_Nikephoros_Phokas_besiege_Chandax.png/220px-Byzantines_under_Nikephoros_Phokas_besiege_Chandax.png)
L’Emirat de Creta es un estat musulman centrat sus l'illa de Creta que foguèt fondat entre 824 e 828 per d'exiliats originaris d'Andalosia après la revirada d'una revòuta còntra l'emir Al-Hakam Ièr (796-822). Conquistèron l'illa gràcias au declin de la poissança bizantina e i bastiguèron una capitala novèla, dicha Chandax.
L'istòria de l'emirat es mau coneguda. Dins lei fònts bizantinas, es presentat coma un refugi de piratas. Pasmens, de recèrcas pus recentas semblan d'indicar l'existéncia d'un Estat estructurat amb una administracion, una moneda e un desvolopament de l'agricultura locala. En causa de sa localizacion, l'emirat foguèt un aliat de la màger part deis expedicions arabas dirigidas còntra Constantinòble e sei possessions. En retorn, lei Bizantins organizèron plusors atacas per assaiar de lo destrurre. Pasmens, l'emirat capitèt de resistir fins a 961 e la presa de Chandax per lo generau e futur emperaire Nicèfor Focas.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Louis Bréhier, Vie et mort de Byzance, París, Albin Michel, 1969.