Beneset II
Beneset II (mòrt lo 8 de mai de 685) foguèt lo 81en papa de la Glèisa Catolica Romana dau 26 de junh de 684 au 8 de mai de 685. Succediguèt a Leon II (681-683) e foguèt remplaçat per Joan V (685-686).
Relativament brèu, son pontificat foguèt marcat per sa politica d'ajuda ai paures de Roma e per un succès diplomatic important còntra l'emperaire bizantin. D'efèct, obtenguèt que la confirmacion de l'eleccion pontificala foguèsse d'ara endavant realizada per l'exarca de Ravena e non plus per l'emperaire bizantin. Òr, coma l'Exarchat de Ravea èra afeblit per l'invasion lombarda, aquò permetèt d'aumentar l'autonòmia politica dau papa.