Amícia de Montfòrt
Nom | (fr) Amicie de Montfort ![]() |
---|---|
Biografia | |
Naissença | sègle XIII ![]() |
Mòrt | 20 de febrièr de 1252 (Gregorian) ![]() Montargis ![]() |
Abadessa (ca) ![]() | |
![]() | |
Donadas personalas | |
Nacionalitat | Francesa |
| |
Autres | |
Conjunt | Gautier de Joigny (ca) ![]() ![]() |
Descendéncia | Pétronille de Joigny (fr) ![]() ![]() |
Maire | Aliç de Montmorencí ![]() |
Paire | Simon IV de Montfòrt ![]() |
Fraires | Simon V de Montfòrt, Amalric VI de Montfòrt e Gui de Montfòrt, Comte de Bigòrra ![]() |
Amicia o Amícia de Montfòrt[1] (sègle XIII-1252/3) foguèt una nòbla francesa, filha de Simon IV de Montfòrt e d'Aliç de Montmorencí. Venguèt puèi monja dominicana e fondatritz del convent a Montargí.
Biografia
[modificar | Modificar lo còdi]Se sap pas quasi res sus la naissença e las primièras annadas d'Amicia. Es probablament nascuda al castèl familial de Montfòrt-l'Amaury. En 1209, son paire s'engatja dins la crosada dels albigeses e se pòt supausar que quand Aliç de Montmorencí o ven rejónher l'annada seguenta, sos mainatges l'acompanhavan, Amicia inclusa. Segon d'unas fonts, seriá estada prepausada en maridatge al filh de Pèire d'Aragon[2], mas lo maridatge a pas jamai agut luòc. L'intencion del matrimòni èra buscar una sortida pacifica a la Crosada albigesa. Entre 1223 e febrièr de 1226, esposa Gauchièr de Joinhí (vèrs 1165 † vèrs 1237), senhor de Castèurainard près de la frontièra Gastinés-Senonés.
Monja dominicana
[modificar | Modificar lo còdi]Son paire èra un amic e sosten de Sant Domenge, e Amicia èra ela meteissa plan atirada per l'òrdre qu'aviá fondat[3]. Après la mòrt de son marit, fondèt un convent a Montargí (entre Orleans e Sens), e demandèt son incorporacion dins l'òrdre dominican, mas encontrèt l'oposicion dels fraires predicaires[4]. L'8 d'abril de 1245, lo papa Innocenci IV ordenèt l'incorporacion del monastèri de Montargí dins l'òrdre dominican[5].
Amicia se morís lo 20 de febrièr de 1252 o 1253[6] a Montargí e es enterrada dins la glèisa del convent .
Maridatge e enfants
[modificar | Modificar lo còdi]Amicia e Gauchièr de Joinhí an agut dos enfants:
- Peironèla de Joinhí (mòrta en 1289), dama de Sulí e de Chastèurainard, maridada amb Pèire de Cortenai-Champinhèlas-Cònchas - abans mai de 1249, puèi en segondas nòças a Enric II de Sulí (mòrt en 1269)[6] ;
- Gauchièr de Joinhí (abans mai de 1249)[6], devenguèt monge dominican .
Nòtas e referéncias
[modificar | Modificar lo còdi]- ↑
Segon l'IEO e Lo Congrès permanent de la lenga occitana, i a de variacion intèrna/dialectala entre los prenoms e mots en -ícia, -icia, e -iça--.
Segon aquesta lista de l'Institut d'estudis occitans, la variacion es tre los prenoms en -icia (lengadocian) e en -ícia/-iça (gascon e provençau).
Segon Lo Congrès, es -ícia en 5 dels 6 dialèctes mas -icia en vivaroaupenc. Pel prenom Fabrícia, la varianta Fabriça existís evidament pertot.
Segon las variacions dels noms Alicia-Alícia-Aliça e Felicia-Felícia-Feliça citadas per aquelas listas, la varianta Amiça existís probabla mas es pas atestada. - ↑ Flocel Sabaté The Crown of Aragon (en anglés). Brill, 12 octobre 2017. ISBN 978-90-04-34960-5..
- ↑ Antonin Danzas Études sur les temps primitifs de l'Ordre de Saint Dominique, 1877..
- ↑ JoAnn Kay McNamara Sisters in Arms. Harvard University Press, 15 septembre 1996. ISBN 978-0-674-80984-0..
- ↑ Micheline de Fontette Les Religieuses à l'âge classique du droit canon. J. Vrin, 1967..
- ↑ 6,0 6,1 et 6,2 « Comtes de Joigny » sur medlands.
- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Amícia de Montfòrt ».
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Amicie de Montfòrt ».
- Paginas amb d'etiquetas Wikidata sens traduccion
- Articles amb referéncias desiradas
- Portal:Edat Mejana/Articles ligats
- Portal:Crosadas/Albigeses/Articles ligats
- Portal:Crosadas/Articles ligats
- Portal:Lengadòc/Articles ligats
- Portal:Aragon/Articles ligats
- Portal:Catolicisme/Articles ligats
- Portal:Religions e cresenças/Articles ligats
- Portal:Cristianisme/Articles ligats
- Wikipedia:Dicod'Òc Articles amb un identificant
- Wikipedia:Diccionari General Occitan Articles amb un identificant
- Naissença al sègle XIII
- Decès al sègle XIII
- Ostal de Montfòrt-l'Amaury
- Personalitat de la Crosada dels Albigeses