Sègle XVI abC
../.. | sègle XVIII abC | sègle XVII abC | sègle XVI abC | sègle XV abC | sègle XIV abC | ../..
Istòria
[modificar | Modificar lo còdi]v. 1600-1590 : rèine dau sobeiran itita Mursili Ièr. Perseguissent lei campanhas de son paire vèrs lo sud, capitèt de vencre e de pilhar Alèp (v. 1600 avC) e Babilònia (1595 avC). Pasmens, mau capitèt de se mantenir dins aquelei regions car deguèt reprimir de revòutas intèrnas menadas per l'aristocracia itita. Foguèt finalament assassinat e remplaçat per son bèufraire Hantili. Son rèine constituís l'apogèu militar de la poissança itita.
1595-1594 : disparicion de la dinastia amorrita de Babilònia après lo pilhatge de la vila per leis Ititas. Aprofichant lo caòs, de Cassitas prenguèron lo poder e fondèron una dinastia.
v. 1550 : aparicion progressiva de la civilizacion micenèa en Grècia continentala.
v. 1530 : conquista de Sumèr per lei Cassitas de Babilònia. Aquò permetèt de restaurar una larga partida de la poissança babiloniana.
Sciéncias e tecnicas
[modificar | Modificar lo còdi]v. 1600 : generalizacion de la produccion de vèire en Egipte e en Orient Mejan.
v. 1600 : redaccion dau papirús Edwin Smith sus l'anatomia.
v. 1555 : redaccion dau papirús Ebers sus lei malautiás. Presenta de descripcions e de tractaments per plusors malautiás importantas coma lo diabèta.
Decès
[modificar | Modificar lo còdi]- Mursili Ièr, rèi itita.