Esferocobaltita
L'esferocobaltita es un minerau de color roge ò ròsa que vèn pauc a pauc negre quand s'altera. A una duretat de 4,0 e una densitat de 4,13. Es formada de carbonat de cobalt (simbòl quimic : CoCO3) cristallizat segon un sistèma trigonau de classa ditrigonala escalenoedrica. Lei cristaus naturaus son rars, escalenoedrics ò romboedrics, e aqueu minerau forma generalament de massas fibrosas ò botriodas. Son esclat es veirenc.
L'esferocobaltita es un minerau rar que se troba de còps dins de jaciments de pirita en associacion ambé lo qüars e la calcita. A ges d'utilizacion industriala.