Romiaire
Los Romiaires son de mamifèrs cetartiodactils del clad dels cetongulats. Es determinat coma romiaire un animal que sa digestion a totalament o parcialament luòc al travèrs d'un procediment de remastegatge de l'alimentacion aprèp son ingestion.
![](http://upload.wikimedia.org/wikipedia/commons/thumb/5/5c/Idisslarmage.png/170px-Idisslarmage.png)
m. esofag, v. rumen o pança, n. reticulum o malhum, b. omasum o fulhet, l. abomasum o calheta, t. debuta dels intestins.
Demest los romiaires mai coneguts, se tròban los bovins (la vaca), los ovins e los caprins que sas quatre pòchas dels estomacs lor permeton un estocatge temporari dels aliments consumats, en particular l'èrba, puèi una regurgitacion qu'autoriza una segonda fasa de mastegatge que fa plenament partida del cicle de la digestion.
La digestion d'unes romiaires a per efièch de generar de metan[1] un dels gases d'efièch de sèrra (GES), ligat, entre autres, al besonh creissant de la consomacion de carn de l’espècia umana[2]. L'agricultura representa uèi aperaquí 20 % de las emissions de GES en França. 40 % de las emissions agricòlas son de metan, que gaireben los tres quart son ligats a la fermentacion enterica dels romiaires, principalament los bovins en França[3].
Referéncias
modificar- ↑ La production de méthane d’origine digestive chez les ruminants et son impact sur le réchauffement climatique, sur cairn.info, consultat lo 17 de genièr de 2016
- ↑ Dans le monde à l'horizon 2030 : Une population croissante génèrera des besoins alimentaires croissants, sur pleinchamp.com du 29 septembre 2010, consultat lo 17 de genièr de 2017
- ↑ Réduire par l'aliment les émissions de méthane, améliorer le rendement de production et le profil nutritionnel de la viande bovine, fiche ADEME