Yarelys Barrios
| Yarelys Barrios | |
|
| |
| Statsborgarskap | Cuba |
| Fødd | 12. juli 1983 (41 år) Pinar del Río |
| Idrett | friidrett |
| Tok del i | Sommar-OL 2012, Sommar-OL 2008 |
Yarelys Barrios Castañeda (fødd 12. juli 1983) er ein kubansk tidlegare friidrettsutøvar frå Pinar del Rio. Ho vann sølvmedaljen i diskoskasting både under VM 2007 og 2009, og sidan bronsen i øvinga ved VM 2011, Sommar-OL 2012 og VM 2013.
Aktiv
[endre | endre wikiteksten]Barrios sette personleg rekord med 63,90 m i VM-finalen 2007, eit kast som sikra henne bronseplassen på sigerspallen, men som året etter vart omgjort til sølvmedalje då den opphavlege sølvmedaljøren vart diska for å ha tukla med dopingprøvene. Sjølv vart Barrios under Sommar-OL 2008 tildelt sølvmedaljen, for så, åtte år seinare, få annullert medaljen etter ein ny test av prøvematerialet frå den gongen.
I 2009 kasta Barrios 65,31 m i VM-finalen i i Berlin og tok sølv, 13 cm kortare enn vinnaren, Dani Samuels frå Australia. Barrios avslutta sesongen med å vinne IAAF-finalen med eit bestekast på 65,86 m. Både i 2010 og i 2011 gjekk ho til topps i diskoskastinga i DL-serien (Diamond League). Hausten 2011 gjorde ho årsbeste med 65,73 m under VM i Daegu og tok bronsen. Også i London-OL 2012 og Moskva-VM 2013 la Barrios beslag på bronseplassen.
Barrios sin personlege rekord lyder på 68,03 meter og vart oppnådd i Habana 22. mars 2012.
Doping
[endre | endre wikiteksten]Den 1. september 2016 vedtok Den internasjonale olympiske komiteen (IOK) å annullere Barrios sine prestasjonar under Sommar-OL 2008 i Beijing, etter at ein retest viste spor av det forbodne stoffet acetazolamide.
Medaljar og plasseringar i internasjonale meisterskap
[endre | endre wikiteksten]- VM 2007 i Osaka: Sølvmedalje – 63,90 m, bakom Franka Dietzsch (66,61 m)
- OL 2008 i Beijing: Annullert sølvmedalje (63,64 m)
- VM 2009 i Berlin: Sølvmedalje – 65,31 m, bakom Dani Samuels (65,44 m)
- VM 2011 i Daegu: Bronsemedalje – 65,73 m
- OL 2012 i London: Bronsemedalje – 66,38 m
- VM 2013 i Moskva: Bronsemedalje – 64,96 m
Kjelder
[endre | endre wikiteksten]- Denne artikkelen bygger på «Yarelys Barrios» frå Wikipedia på tysk, den 1. august 2019.
- Denne artikkelen bygger på «Yarelys Barrios» frå Wikipedia på engelsk, den 1. august 2019.