Vorkuta
Vorkuta Воркута | |||
---|---|---|---|
![]() | |||
| |||
Plassering | |||
Styresmakter | |||
Land | ![]() | ||
Føderasjonssubjekt | Republikken Komi | ||
Grunnlagd Bystatus |
1931 1943 | ||
Borgarmeister | Valeri Budovski | ||
Geografi | |||
Flatevidd - By |
24 400 km² | ||
Innbyggjarar - Totalt (2007) - folketettleik |
76 600 3,1 /km² | ||
Koordinatar | 67°30′00″N 64°02′00″E / 67.50000°N 64.03333°E | ||
Høgd over havet | 180 moh. | ||
Diverse annan informasjon | |||
Postnummer | 1699xx | ||
Retningsnummer (tlf) | (+7)82151 | ||
Nettstad: www.vorcuta.ru |
Vorkuta (russisk Воркута́; komi Вӧркута, nenetsisk Варкута) er ein kolgruveby i republikken Komi i Russland med om lag 75 000 innbyggjarar (2007). Han ligg like nord for polarsirkelen i kolbekkenet til Petsjora.
Byen har opphav i ein av die mest frykta arbeidsleirane i Gulag, grunnlagd i 1931. Det var i Vorkuta (i 1937) at stalinistregimet på 1930-talet fullførte den fysiske likvideringa av den trotskistiske venstreopposisjonen.
![](http://upload.wikimedia.org/wikipedia/commons/thumb/2/22/Vorkuta_r.jpg/220px-Vorkuta_r.jpg)
I 1941 vart byen og arbeidsleirsystemet rundt han knytt til resten av landet via ein fangebygt jernbane frå Konosja og Kotlas til leirane ved Inta. Vorkuta fekk bystatus 26. november 1943. Byen var det største senteret for Gulag-leirar i europeisk Russland og var administrativt senter for eit stort tal mindre leirar og underleirar, av dei Kotlas, Petsjora og Izjma (dagens Sosnogorsk). I 1953 var byen åstad for eit større opprør hos fangane i leirane, det såkalla Vorkutaopprøret. Som ved andre fangeleiropprør (som Kengiropprøret) vart det blodig slått ned av Den raude armeen og NKVD. Seinare, på 1950-talet, vart mange av Gulagleirane lagt ned. Det er derimot rapportert at enkelte leirar i Vorkutaområdet var i drift heilt inn på 1980-talet.
Etter tusenårsskiftet har mange av gruvene rundt byen vorte stengde på grunn av høge driftskostnadar. På slutten av 1980-talet og inn på 1990-talet var det streikar og aksjonar frå gruvearbeidarar som ikkje hadde fått løn på over eit år.[1]
Under den kalde krigen låg ein viktig base for strategiske bombefly like ved byen.[2]
Kjelder
[endre | endre wikiteksten]- Denne artikkelen bygger på «Vorkuta» frå Wikipedia på bokmål, den 8. januar 2009.
- Wikipedia på bokmål oppgav desse kjeldene:
Bakgrunnsstoff
[endre | endre wikiteksten]- Satellittbilete av Vorkutaregionen
- Don't Forget Vorkuta: A Soviet Holocaust (engelsk)
- Bilete - Vorkuta by
- Historiske bilete
- okupatsioon.ee Arkivert 2008-02-27 ved Wayback Machine.
- Gulag report - Vorkuta Arkivert 2008-01-06 ved Wayback Machine.
- Gulag-leir utanfor Vorkuta
- Andre bilete