Venio Losert
Venio Losert | |
Statsborgarskap | Kroatia |
Fødd | 25. juli 1976 (48 år) Zavidovići |
Idrett | handball |
Tok del i | Sommar-OL 2008, Sommar-OL 2012, Sommar-OL 2004, Sommar-OL 1996 |
Venio Losert (fødd 25. juli 1976) er ein kroatisk tidlegare handballspelar frå Zavidovići. Han vart olympisk meister med Kroatia sitt landslag både under sommarleikane 1996 i Atlanta og 2004 i Athen. Han var målvakt.
Karriere
[endre | endre wikiteksten]Landslagsspel
[endre | endre wikiteksten]19 år gammal var Losert med då Kroatia i 1995 nådde finalen i verdsmeisterskapen på Island. Året etter sigra han og laget i handballturneringa ved dei olympiske leikane i Atlanta. Åtte år seinare vann han eit nytt OL-gull i Athen, Sidan var Losert med på å ta VM-sølv i 2005 og 2009, og OL-bronse i 2012. I tida frå 1995 til 2014 deltok han i 221 landskampar.
Klubbspel
[endre | endre wikiteksten]Losert spelte på RK Zagreb då laget vann den kroatiske seriemeisterskapen og cupmeisterskapen åra frå 1994 til 1999. Perioden 1995-99 tok laget seg fire gongar til finalen i meisterligaen, alle enda med tap. Frå 1999 til 2009 var han aktiv i den spanske handballserien, fordelt på seks ulike lag. Lengst tid hadde han i Granollers, 2001-04, og i FC Barcelona, 2006-09. Størst suksess fekk han med Portland San Antonio der han vart seriemeister i 2005, og i Barcelona der han vann kongepokalen i 2007 og 2009. Frå desember 2009 gjorde Losert etter tur teneste i franske Créteil, spanske Ademar León og danske Kolding IF. I november 2012 flytta han til polske KS Kielce. Med Kielce vann han den polske serien og cupen i såvel 2013 som i 2014.
Merittar
[endre | endre wikiteksten]- Handball-VM 1995 for menn: Sølvmedalje, tap mot Frankrike
- Handball-EM 1996 for menn: Nr 5
- Sommar-OL 1996: Gullmedalje, siger mot Sverige
- Handball-VM 2001 for menn: Nr 9
- Handball-EM 1998 for menn: Nr 8
- Handball-VM 1999 for menn: Nr 10
- Handball-EM 2000 for menn: Nr 6
- Handball-VM 2001 for menn: Nr 9
- Sommar-OL 2004: Gullmedalje, siger mot Tyskland
- Handball-VM 2005 for menn: Sølvmedalje, tap mot Spania
- Handball-EM 2006 for menn: Nr 4
- Handball-VM 2007 for menn: Nr 5
- Sommar-OL 2008: Nr 4
- Handball-VM 2009 for menn: Sølvmedalje, tap mot Frankrike
- Handball-EM 2012 for menn: Bronsemedalje
- Sommar-OL 2012: Bronsemedalje
- Handball-EM 2014 for menn: Nr 4
- Kroatisk seriemeister: 1994, 1995, 1996, 1997, 1998, 1999 for RK Zagreb
- Kroatisk cupmeister: 1994, 1995, 1996, 1997, 1998, 1999 for RK Zagreb
- Spansk seriemeister: 2005 for Portland San Antonio
- Spansk cupmeister: 2007 for FC Barcelona
- Polsk seriemeister: 2013 og 2014 for KS Kielce
- Polsk cupmeister: 2013 og 2014 for KS Kielce
- Finalist i EHF-meisterligaen: 1995 (tap mot Bidasoa), 1997, 1998, 1999 (tap mot Barcelona)
Kjelder
[endre | endre wikiteksten]- Denne artikkelen bygger på «Venio Losert» frå Wikipedia på tysk, den 10. oktober 2023.
- Denne artikkelen bygger på «Venio Losert» frå Wikipedia på engelsk, den 10. oktober 2023.
- Einskildmenn
- Fødde i 1976
- Kroatiske handballspelarar
- Verdsmeistrar i handball
- Olympiske meistrar for Kroatia
- Olympiske bronsemedaljevinnarar for Kroatia
- Olympiske medaljevinnarar i handball
- Medaljevinnarar under sommar-OL 1996
- Kroatiske deltakarar under sommar-OL 1996
- Handballspelarar under sommar-OL 1996
- Medaljevinnarar under sommar-OL 2004
- Kroatiske deltakarar under sommar-OL 2004
- Handballspelarar under sommar-OL 2004
- Kroatiske deltakarar under sommar-OL 2008
- Handballspelarar under sommar-OL 2008
- Medaljevinnarar under sommar-OL 2012
- Kroatiske deltakarar under sommar-OL 2012
- Handballspelarar under sommar-OL 2012