Utcubamba
| Utcubamba | |||
| elv | |||
.jpg) | |||
| Land |  Peru
| ||
|---|---|---|---|
 Utcubamba 5°31′39″S 78°33′04″W / 5.527375°S 78.550977°W | |||
| Wikimedia Commons: Utcubamba River | |||
Utcubamba er ei elv med nedslagsfelt i sørlege Amazonas-regionen i Peru. Øvre delar av bassenget er kjerneområdet for chachapoya-kulturen. Ho oppstår ca. 4000 moh. noko sør for den litle byen Leymebamba som ligg ca. 90 kilometer sør for regionhovudstaden Chachapoyas.
Sørlege Utcubamba-dalen er høgtliggande og ein del av Andes. Elva er danna av ei rekkje småelvar, og renn først mot nord, deretter mot nordvest til ho tømmer seg i Marañón nær byen Bagua.[1] Dette er òg staden som Chinchipe renn ut i Marañón frå motsett side. Utcubamba er ikkje egna for båtar, men ho gjev energi for fleire vasskraftverk i dalføret. Utcubambadalen er nytta til jordbruk og det tropiske klimaet saman med irrigasjonsdrift med vatn frå elva gjev høve til dyrking av produkt som maniok, mais, sukkerrøyr og banan.
Namnet «Utcubamba» kjem frå quechua, av utkhu, ‘bomull’ og pampa, ‘mark’,[2] dvs. ‘bomullsmarka’.
Kjelder
[endre | endre wikiteksten]- ↑ Pearce, Adrian J.; Beresford-Jones, David G.; Heggarty, Paul (2020). «2.4 Early social complexity in northern Peru and its Amazonian connections» (på engelsk). University College London: 103–114. ISBN 978-1-78735-735-8.
- ↑ Teofilo Laime Ajacopa (2007). Diccionario Bilingüe: Iskay simipi yuyayk’anch: Quechua – Castellano / Castellano – Quechua (PDF). La Paz, Bolivia: futatraw.ourproject.org. Henta 9. februar 2024.
- Denne artikkelen bygger på «Río Utcubamba» frå Wikipedia på spansk, den 23. april 2008.